| e-texts navigator |
| Wylie |
353a1 བཤད།། དབྱེ་བ་ངེས་པ་མེད་པར་བསྟན།། དེ་ཡང་འདོད་པ་འདི་ལྟ་སྟེ།། ཆོས་ཉིད་ཡུལ་གྱི་ལྟ་བ་དང་།། སྤྱོད་པ་ཐབས་ཀྱི་ལྟ་བ་དང་།། རང་རིག་རྒྱུན་གྱི་ལྟ་བ་དང་།། མ་ནོར་ལུང་གི་ལྟ་བའོ།། ཆོས
353a2 ཉིད་ཡུལ་གྱི་ལྟ་བ་ནི།། ཆོས་ཉིད་དང་ནི་ཆོས་ཅན་ནོ།། སྤྱོད་པ་ཐབས་ཀྱི་ལྟ་བ་ནི།། སྒྲོན་མ་ཉིད་ཀྱི་ལྟ་སྟངས་སོ།། རང་རིག་རྒྱུན་གྱི་ལྟ་བ་ནི།། རིག་པ་ཡེ་ཤེས་སྙིང་པོ་དེ།། ཡེ་ནས་ཡོད་པར་བསྟན་པའོ།། མ་ནོར
353a3 ལུང་གི་ལྟ་བ་ནི།། རྫོགས་ཆེན་ཨ་ཏི་ཡོ་གར་བསྟན།། དེས་ནི་ལྟ་བའི་དོན་ཉིད་བསྟན།། སྤྱོད་པ་ལ་ཡང་དོན་གསུམ་སྟེ།། སྤྱོད་པའི་ངོ་བོ་མི་ཆགས་པ།། ངེས་ཚིག་འཛིན་པ་ཐོངས་ཟེངས་ཀྱང་པར་བསྟན།། དབྱེ་བ
353a4 ངེས་པ་མ་ཡིན་ཏེ།། འོན་ཀྱང་གསང་དོན་འདི་ལྟ་སྟེ།། འཛིན་མེད་ཡུལ་གྱི་སྤྱོད་པ་དང་།། རང་སྣང་ཐབས་ཀྱི་སྤྱོད་པ་དང་།། ཞེན་མེད་ཆགས་བྲལ་སྤྱོད་པ་དང་།། སྟོང་པ་ལམ་གྱི་སྤྱོད་པ་དང་།། རྩོལ་མེད་སྣང
353a5 བའི་སྤྱོད་པ་དང་།། བརྟུལ་ཞུགས་དབང་གི་སྤྱོད་པ་དང་།། འཛིན་མེད་འཁོར་བའི་སྤྱོད་པ་དང་།། རྣམ་པ་བདུན་དུ་གྲགས་པའོ།། འཛིན་མེད་ཡུལ་གྱི་སྤྱོད་པ་ནི།། དཔེར་ན་སྨྱོན་པ་ལྟ་བུར་བསྟན།། རང་སྣང་ཟབས
353a6 ཀྱི་སྤྱོད་པ་ནི།། དཔེར་ན་རི་དགས་ལྟ་བུར་བསྟན།། ཞེན་མེད་ཆགས་བྲལ་སྤྱོད་པ་ནི།། དཔེར་ན་བུ་ཆུང་ལྟ་བུར་བསྟན།། སྟོང་པ་ལམ་གྱི་སྤྱོད་པ་ནི།། རྒྱ་མཚོ་གཟའ་སྐར་ལྟ་བུར་བསྟན།། རྩོལ་སེམས་སྣང་བའི་སྤྱོད
iiif viewer powered by OpenSeadragon
