| e-texts navigator |
| Wylie |
351b1 པ་ཆོས་ཉིད་སྐུ།། རེ་དོགས་གཉིས་དང་བྲལ།། བརྡལ་བ་དབྱིངས་ཀྱི་སྐུ།། ཡངས་དོག་གཉིས་དང་བྲལ།། གསལ་བའི་ཤེས་རབ་སྐུ།། སྣང་རུང་མིང་དང་བྲལ།། གཅོད་པ་ཐོགས་མེད་སྐུ།། ངང་དུ་མ་ཡེངས
351b2 གསལ།། རྡོ་རྗེ་འཆང་གི་སྐུ།། ཐོགས་མེད་ཀུན་ཏུ་རྒྱུ།། སྐྱེ་ཤི་གཉིས་དང་བྲལ།། སྟོང་པ་རྡོ་རྗེའི་སྐུ། མཐའ་དབུས་གཉིས་སུ་མེད།། རྣལ་འབྱོར་དོན་གྱི་སྐུ།། གཡེང་བའི་བདུད་དང་བྲལ།། དམིགས་མེད་ཟང་ཐལ
351b3 སྐུ།། ཕྱོགས་ཆ་ཀུན་དང་བྲལ།། གཟི་བརྗིད་འོད་འབར་སྐུ།། མཚན་མའི་ཆོས་དང་བྲལ།། མཉམ་ཉིད་སྟོང་པའི་སྐུ།། གཟུང་འཛིན་གཉིས་དང་བྲལ།། བརྟན་པ་རི་བོའི་སྐུ།། སྤྲོ་བསྡུ་གཉིས་དང་བྲལ།། ཀུན་འབྱུང
351b4 ནམ་མཁའི་སྐུ།། ཐ་སྙད་ཆོས་དང་བྲལ།། སྲ་མཁྲེགས་རྡོ་རྗེའི་སྐུ།། འཇིགས་པ་ཀུན་དང་བྲལ།། ཐིག་ལེ་སྣང་བའི་སྐུ།། དབྱིངས་དང་ཡུལ་ལས་འདས།། རྡོ་རྗེ་མཚོན་ཆའི་སྐུ།། ཐོགས་མེད་ཀུན་ཏུ་རྒྱུ།། ཨེ་མ་སྣང་བ
351b5 འོད་པོ་ཆེ།། གཏིང་གི་མུན་པ་སེལ།། རིག་པ་ཐོགས་པ་མེད།། དོན་གྱི་སྙིང་པོ་མཐོང་།། དཔེར་ན་རླུང་དང་མཚུངས།། ཆོས་དབྱིངས་སྤྲོས་བྲལ་ཉིད།། ནམ་མཁའ་སྤྲིན་དེངས་འདྲ།། མཚན་ཉིད་ལྔ་ལྡན་པས།། སོ
351b6 སོའི་དོན་རྟོགས་འགྱུར།། ཡེ་ཤེས་རང་སྣང་ཉིད།། འབྱུང་བའི་ཕྱོགས་དང་བྲལ།། མཐའ་ཡས་གཅིག་ཏུ་སྣང་།། དོན་དམ་ཀུན་རྫོབ་གཉིས།། གཅིག་དང་དུ་མར་མེད།། ས་དང་ལམ་མེད་པས།། ཡེ་ཤེས་འཛིན
iiif viewer powered by OpenSeadragon
