| e-texts navigator |
| Wylie |
350b1 རྣམས་ཀྱི་རང་བཞིན་ནི།། ཡི་གེ་ཨ་ལ་རྫོགས་པར་བཤད།། ཐེག་པ་རྣམས་ཀྱི་རང་བཞིན་ནི།། ཨ་ཏི་ཉིད་ལ་རྫོགས་པར་བཤད།། རིག་པ་ཉིད་ཀྱི་དངོས་པོ་ནི།། ལུ་གུ་རྒྱུད་ལ་ཡོད་པར་བཤད།། ཐབས་མཁས་ཡེ
350b2 ཤེས་ཐུགས་རྗེ་ཅན།། འགྲོ་བ་རྣམས་ཀྱི་མགོན་གྱུར་པས།། གསང་འདུས་ཐེག་པའི་སྤྱི་བོར་བཤད།། ཨ་ཏི་ཤིན་ཏུ་ངོ་མཚར་ཆེ།། དེས་ནི་ཡང་དག་དོན་རྟོགས་འགྱུར།། ཐམས་ཅད་ཐར་ལམ་འཐོབ་པར་འགྱུར།། སྐྱེ
350b3 མེད་ཆོས་སྐུ་རྙེད་པའོ།། ཨེ་མ་ཨ་འབྲི་རབ་ཏུ་གསལ།། ཐིག་ལེ་ཀློང་ལས་འདས།། མཚན་མའི་ཡུལ་མེད་པས།། སྣང་བ་འོད་དུ་གསལ།། ཡེ་ཤེས་མཁའ་ལ་ཁྱབ།། རང་བྱུང་རྟོགས་མཐའ་མཆོད།། དགོངས་པའི
350b4 དོན་ལ་གནས།། ཐུགས་རྗེའི་ཉི་ཟེར་ལྡན།། ཐམས་ཅད་ཀུན་ལ་སྙོམས།། ཡེ་ཤེས་རྣམ་པར་དག། ཕྱོགས་བྲལ་རྒྱ་ཆད་མེད།། མཚན་མེད་དངོས་སྣང་ཡིན།། གསལ་འཚེར་ལྷུན་སྟུག་ལྡན།། སྣང་མེད་མཁའ་ལ
350b5 གསལ།། ཡུལ་མེད་གཅིག་པུ་ཉིད།། དོན་དམ་ཡངས་པ་ཆེ།། ཐོགས་མེད་རླུང་གིས་བསྐྱོད།། ཅིག་ཆར་དོན་ལ་འཇུག། མཐའ་ཡས་གཅིག་ཏུ་སྡུད།། རྒྱ་ཆེ་གཏིང་ཟབ་ཅིང་།། ཟད་མེད་ནོར་བུ་ལྟར།། དགོས་འདོད་སྔ
350b6 ཚོགས་འབྱུང་།། ཡིན་མིན་རྩིས་ལས་འདས།། འབྱུང་བའི་ཤེས་རབ་ཆེ།། གསལ་བའི་སྣང་བ་ཆེ།། རང་སྣང་གོམས་པ་ཆེ།། སྲིད་པ་དུས་གཅིག་རྫོགས།། མཐའ་ཡས་ཀུན་ཏུ་ཆུབ།། ཐུགས་རྗེས་ཐབས
iiif viewer powered by OpenSeadragon
