| e-texts navigator |
| Wylie |
350a1 བྲལ།། འགྱུར་བ་མ་ཡིན་དྲང་པོར་གནས།། བསྐུར་བ་མ་ཡིན་ལྷུན་གྱིས་གྲུབ།། གསང་སྔགས་དོན་ལ་དེ་བཞིན་གཤེགས།། ཚིག་གཅིག་བསྟན་པས་དོན་རྣམས་གོ། སྣང་བ་མཁའ་ཀློང་གཉིས་སུ
350a2 འདུས།། སེམས་ཉིད་དཀྱིལ་འཁོར་བསམ་མི་ཁྱབ།། རིག་པ་ཐུག་ཕྲད་ཡེ་ཤེས་དོན།། སྣང་བ་ཟུག་ཕྲད་དགོངས་པའི་དོན།། དཀྱིལ་འཁོར་ཡིད་བཞིན་འབྱུང་བའི་གཏེར།། རྒྱ་མཚོ་ལས་ནི་རླབས་བཞིན་དུ།། བདེར
350a3 གཤེགས་ཐམས་ཅད་སྐུ་ལས་འབྱུང་།། དོན་དམ་དཀྱིལ་འཁོར་བསམ་ཡས་ཀློང་།། ཡེ་ཤེས་དཀྱིལ་འཁོར་ཀུན་ཏུ་འབྱུང་།། མཐའ་ཡས་དཀྱིལ་འཁོར་འགྱུར་བ་མེད།། སེམས་དང་རིག་པ་མི་ཤེས་ཤིང་།། སྣང་བའི
350a4 ཡུལ་ལ་ཞེན་གྱུར་ན།། ཐར་ལམ་བྱང་ཆུབ་རིང་བར་བཤད།། ཡེ་ཤེས་རྩེ་གཅིག་མ་ཤེས་ཤིང་།། ཆོས་ལ་རྩོལ་བའི་ཕྱིར་འབྲངས་ན།། རྟོགས་པར་མི་འགྱུར་ཡུན་རིང་གནས།། སངས་རྒྱས་དགོངས་པ་གཅིག་པུ
350a5 ཉིད།། སེམས་ཅན་བློ་ཡི་ནད་མང་ཡང་།། ཐེག་པ་གཅིག་ལས་མེད་པར་གསུངས།། ཐེག་པ་གཅིག་གི་ངོ་བོ་ནི།། རང་རིག་གཏན་ལ་འབེབས་པར་བཤད།། གསང་བའི་ཡེ་ཤེས་དོན་གྱི་སྐུ།། དོན་དམ་ཡེ་ཤེས་ལྷུན
350a6 གྱིས་གྲུབ།། གསང་དོན་སྐུ་ལ་ཕྲ་རགས་གསལ།། ཐེག་པའི་མཐའ་ནི་གཅིག་གམ་གཉིས།། དུ་མ་མེད་པར་རྒྱལ་བས་གསུངས།། ཡི་གེ་གཅིག་དང་ཐེག་པ་གཅིག། རིག་པ་གཅིག་ཏུ་ཐམས་ཅད་འདུས།། ཡི་གེ
iiif viewer powered by OpenSeadragon
