| e-texts navigator |
| Wylie |
349a1 དོན་གྱི་ཐེ་ཚོམ་གསལ།། རྟོགས་དང་མ་རྟོགས་ཚོགས་དྲུག་དང་།། རིམ་རྩོལ་བློ་ཡི་ཐེག་པ་རྣམས།། དཔྱད་ཀྱང་དོན་མེད་ནེ་ཙོ་བཞིན།། བཏང་སྙོམས་ལྡེང་པོའི་མུན་པར་འགྱུར།། བལྟས་ཀྱང་ཕྱམ་ཆད
349a2 ཡལ་བར་འགྱུར།། གསང་སྔགས་དགོངས་དོན་དེ་བཞིན་ནོ།། ཞེས་སེང་གེ་རྩལ་རྫོགས་ཆེན་པོའི་རྒྱུད་ལས། སེང་གེ་རྣམ་པར་བསྒྱིངས་པའི་དགོངས་པ་བསྟན་པའི་ལེའུ་སྟེ་བཅུ་པའོ།། །། དེ་ནས་ཡང
349a3 བཅོམ་ལྡན་འདས་དཔལ་ཀུན་ཏུ་བཟང་པོ་ཉིད། ཆོས་ཉིད་ཟབ་མོ་འདུས་མ་བྱས་པའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་ཡང་རིགས་ཀྱི་སངས་རྒྱས་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ
349a4 ལྡན་སེང་གེའི་བདག། ཏིང་ངེ་འཛིན་ལས་རབ་ཏུ་བཞེངས།། བདག་ཅག་རྗེས་མཐུན་སངས་རྒྱས་ལ།། ཡུལ་སེམས་གཉིས་སུ་མེད་པ་ཡི།། དགོངས་པའི་ངེས་དོན་རབ་ཏུ་གསུངས།། དེ་ནས་བཅོམ་ལྡན་ཀུན་བཟང
349a5 ཡབ།། ཏིང་ངེ་འཛིན་ལས་བཞེངས་ནས་ནི།། རིགས་ཀྱི་སངས་རྒྱས་རྗེས་མཐུན་པ།། གསང་བའི་ཚིག་དོན་ལེགས་གསུངས་པ།། ཨེ་མ་སངས་རྒྱས་སེམས་དཔའི་རིགས།། དོན་གྱི་དགོངས་པ་ངས་བསྟན
349a6 གྱིས།། ལེགས་པར་ཟུང་ཞིག་རྡོ་རྗེ་འཆང་།། ཡུལ་ལ་རྟོགས་བྱེད་མི་སྣང་བས།། སེམས་ཀྱི་འཛིན་པས་ང་མི་བསྒྲིབ།། ཡེ་ཤེས་ཆོས་ལས་འདས་པས་ན།། སྣ་ཚོགས་བློ་ཡིས་ང་མི་བསྒྲིབ།། སྣང་ཡུལ་གཉིས་སུ་མི
iiif viewer powered by OpenSeadragon
