| e-texts navigator |
| Wylie |
347b1 ལུང་དང་མན་ངག་ཀྱང་།། གུད་ན་ཡོད་པ་མ་ཡིན་ཏེ།། རིག་པའི་ཡེ་ཤེས་ཉིད་དུ་བསྟན།། རྒྱུད་ཀྱི་རྒྱལ་པོ་བཤད་དུ་མེད།། ལུང་གི་དངོས་པོ་རྩོལ་བ་བྲལ།། མན་ངག་དངོས་པོ་དོན་ལ་འབྲེལ།། རང་རིག་རྩ་བའི་རྒྱུད
347b2 ཆེན་མ་ཤེས་ན།། སེམས་ཅན་རྩོལ་བྲལ་དགོངས་པ་ཐོབ་པར་ག་ལ་འགྱུར།། ཐམས་ཅད་ཚིག་ལ་ཡིན་པས་དོན་ལ་ཐུག་པ་མེད།། འགྱུར་མེད་རྩ་རླུང་མ་ཤེས་ན།། སེམས་ཅན་ཚིག་ལ་རྟེན་འཆའ་བས།། ལུང་ལ་ཐུག
347b3 པ་མེད་པར་འགྱུར།། སྟོང་པའི་ཤེས་རབ་མ་ཤེས་ན།། ཆོས་ལ་ཐུག་པ་མེད་པར་འགྱུར།། དབྱིངས་དང་རིག་པ་མ་ཤེས་ན།། དོན་ལ་ཐུག་པ་མེད་པར་འགྱུར།། སྣང་བ་ཆོས་སྐུར་མ་ཤེས་ན།། དཀྱིལ་འཁོར་ཐུག་པ
347b4 མེད་པར་འགྱུར།། འགྱུར་མེད་ཀ་དག་མ་ཤེས་ན།། སྐུ་ལ་ཐུག་པ་མེད་པར་འགྱུར།། འཁྲུལ་བྲལ་རྟོག་སངས་མ་ཤེས་ན།། ཐུགས་ལ་ཐུག་པ་མེད་པར་འགྱུར།། གྲག་སྟོང་འཛིན་མེད་མ་ཤེས་ན།། གསུང་ལ་ཐུག་པ
347b5 མེད་པར་འགྱུར།། རང་བྱུང་ཡེ་རྫོགས་མ་ཤེས་ན།། ཡོན་ཏན་ཐུག་པ་མེད་པར་འགྱུར།། མ་བཙལ་ལྷུན་གྲུབ་མ་ཤེས་ན།། ཕྲིན་ལས་ཐུག་པ་མེད་པར་འགྱུར།། སྣང་བ་ཅིག་ཆོད་མ་ཤེས་ན།། ལྟ་བ་ཐུག་པ་མེད་པར
347b6 འགྱུར།། རི་བོ་ཅོག་བཞག་མ་ཤེས་ན།། བསྒོམ་པ་ཐུག་པ་མེད་པར་འགྱུར།། འགག་མེད་ཤུགས་འབྱུང་མ་ཤེས་ན།། སྤྱོད་པ་ཐུག་པ་མེད་པར་འགྱུར།། ལུ་གུ་རྒྱུད་དུ་མ་ཤེས་ན།། འབྲས་བུ་ཐུག་པ་མེད་པར
iiif viewer powered by OpenSeadragon
