| e-texts navigator |
| Wylie |
346a1 འདས།། གསང་བའི་ཡེ་ཤེས་མཐའ་ཡས་ཀུན།། རང་རིག་དཀྱིལ་འཁོར་དེ་བཞིན་གཤེགས།། སངས་རྒྱས་ཉིད་ལས་འོད་བྱུང་བས།། སེམས་ཅན་རྣམས་ཀྱི་སྣང་བར་འགྱུར།། གོམས་པས་རིག་པ
346a2 གཅེར་བུར་འབྱུང་།། རྟོགས་པས་སྣང་བ་སྐུ་རུ་འགྱུར།། མ་རིག་པ་ཡི་རྐྱེན་རྣམས་ཀྱང་།། རྟོགས་ན་ཡེ་ཤེས་ངོ་བོ་ཉིད།། སྙིང་པོ་འདུས་པའི་ངེས་པ་ཡིས།། རིག་པའི་ཡེ་ཤེས་ངོས་འཛིན་པའོ།། སྐུ་ཉིད་བསྟན
346a3 པའི་ཐེག་པ་རྣམས།། རང་གི་རིག་པ་ཉིད་ལ་རྫོགས།། གསང་སྔགས་ཡེ་ཤེས་མངོན་སུམ་པ།། ད་ལྟ་ཡུལ་དུ་མ་ཡིན་པས།། དང་པོ་གཅིག་ལས་མེད་པ་ལ།། དེ་ནས་བརྟགས་པས་གཉིས་སུ་བྱུང་།། དེ་ཡང་རྒྱུ་ལ་ཁྱད
346a4 པས།། སྣང་བ་སོ་སོར་བྱུང་བའོ།། གནས་པའི་དུས་དང་རྟོགས་པའི་དུས།། ངོ་བོ་གཅིག་ལ་རྩལ་སྣང་བའོ།། ཨེ་མ་རིག་དང་མ་རིག་ཐམས་ཅད་ཀུན།། རྩལ་དང་སྣང་བ་ཉིད་དུ་བསྟན།། ཡེ་ཤེས་དོན་ལ་གཉིས
346a5 པས།། སྣང་དང་མི་སྣང་གཉིས་སུ་མེད།། ཡེ་ཤེས་ལམ་ལ་འགྱུར་མེད་པས།། གོལ་བ་དང་ནི་སྒྲིབ་པ་མེད།། ཡེ་ཤེས་རྐྱེན་མེད་སྣང་བ་ལ།། བྱང་ཆུབ་སེམས་ཀྱི་རྟགས་སྣང་བ།། སྤྲོས་པ་མེད་པའི་དབྱིངས་ཉིད
346a6 ལས།། འོད་གསལ་ཐོགས་མེད་རིག་པ་བྱུང་།། སྣང་བའི་དུས་ན་འོད་སྣང་སྟེ།། རྟོགས་པའི་དུས་ན་རང་སྣང་ངོ་།། གོམས་པའི་དུས་ན་སྐུ་རུ་འགྱུར།། ཤེས་རབ་ཐབས་དང་འབྲེལ་པ་ཡིས།། དོན་དམ་དཀྱིལ་འཁོར
iiif viewer powered by OpenSeadragon
