| e-texts navigator |
| Wylie |
345b1 བས།། མུན་པའི་ཕྱོགས་ཀྱིས་ང་མི་བསྒྲིབ།། རང་རིག་ཡེ་ཤེས་གཏིང་ཟབ་པས།། སྣང་བའི་ཕྱོགས་ཀྱིས་ང་མི་མཐོང་།། མུན་པ་སྣང་བའི་མཚམས་ཤེད་ན།། རང་བྱུང་ཡེ་ཤེས་འོད་གསལ་བ།། སུས་ཀྱང་མི་རྙེད་རིན།
345b2 ཆེན་ལྟར།། རྙེད་ན་ཡོན་ཏན་སྣ་ཚོགས་འབྱུང་།། སྣང་བ་དང་ནི་མུན་པ་གཉིས།། གཉིས་ཀས་ང་ལ་སྒྲིབ་པར་བྱེད།། རིག་པའི་དོན་ལ་མུན་སྣང་མེད།། སངས་རྒྱས་ཀུན་གྱི་ལམ་རྟོགས་ཕྱིར།། རྟོགས་པའི་ཡེ
345b3 ཤེས་སྤྱོད་ཡུལ་ལྡན།། རིག་པའི་སྣང་བ་རང་གསལ་བ།། ཡེ་ནས་གནས་པའི་ཡུལ་ཉིད་ལས།། སོ་སོར་འབྱུང་ཞིང་རྟོགས་པའོ།། ཨེ་མ་ཧོ།། སྣང་བའི་ཕྱོགས་དང་མུན་པའི་ཕྱོགས།། གཅིག་དང་གཉིས་སུ་མ་ཡིན
345b4 ཏེ།། སེམས་ཅན་རྟོག་པ་མ་ཟད་པར།། ཐེག་པའི་མཐའ་ལ་ཟད་མི་འགྱུར།། སྣང་བའི་ཡེ་ཤེས་རྟོགས་དཀའ་བས།། ཐེག་པའི་གྲངས་ལས་མི་འབྱུང་སྟེ།། རང་གི་དོན་ཡང་དེ་བཞིན་ནོ།། སྣང་བ་རྣམ་པ་ལྔ་ཉིད
345b5 ལས།། མུན་པ་ལྔ་ཡི་ཆོ་འཕྲུལ་སྟོན།། ངོ་བོ་ལྔ་ཡི་འབྱུང་ཚུལ་སྟོན།། ཕྲ་རགས་ལྔ་ཡི་དྲི་མས་བསྒྲིབས།། མཐོང་བས་གོམས་པའི་རང་རིག་ལ།། བྱ་བཙལ་མེད་པས་རང་བྱུང་མཐོང་།། རབ་རིབ་དྲི་མ་གཉིས་སུ
345b6 མེད།། ཕྱོགས་དང་རིས་སུ་མེད་མོད་ཀྱང་།། སྣང་བའི་ཡེ་ཤེས་མ་མཐོང་ན།། ཡང་དག་ངེས་དོན་རྟོགས་མི་འགྱུར།། ཐིག་ལེ་ཉག་གཅིག་ཆོས་ཀྱི་སྐུ།། ཚིག་མེད་ཡུལ་གྱི་འཛིན་པ་མེད།། ཆོས་ཉིད་རྟོགས་པའི་ཡུལ
iiif viewer powered by OpenSeadragon
