| e-texts navigator |
| Wylie |
345a1 བའི་རིག་པ་ནི།། དཔེར་ན་རྨ་བྱའི་ཕྲུ་གུ་སྒོང་ནས།། བརྡོལ་ཏེ་དོན་པ་ལྟ་བུའོ།། སྣང་བ་དྲུག་གི་ཕྱོགས་དག་ནས།། ཡེ་ཤེས་གནས་ལུགས་ཆེ་ཆུང་ཆད།། རབ་ཏུ་བཤད་པ་འདི་ལྟ་སྟེ།། དགའ་ལྡན
345a2 རྣམས་ལ་ཁྲུ་གང་ཚད་དུ་གནས།། རྩོད་ལྡན་རྣམས་ལ་སོར་བཞིར་གནས།། ཆ་མཉམ་རྣམས་ལ་ཚོན་གང་ངམ།། མྱོས་ལྡན་རྣམས་ལ་རང་གསལ་ཙམ།། བཀྲེས་ལྡན་རྣམས་ལ་ཏིལ་འབྲུ་ཙམ།། སྡུག་བསྔལ་ལྡན་ལ་རྟ
345a3 རྔ་ཙམ།། དེ་བཞིན་རབ་ཏུ་གནས་པར་བཤད།། སངས་རྒྱས་རྣམས་ལ་དཔག་ཏུ་མེད།། བྱང་ཆུབ་སེམས་དཔའ་མདའ་གང་ངོ་།། སྤྲུལ་པའི་སྐུ་ལ་མཐོ་འདོམ་ཀྱང་གང་གནས།། སངས་རྒྱས་བྱང་ཆུབ་སེམས་དཔའ
345a4 དང་།། སྤྲུལ་པའི་སྐུ་དང་ལྷ་རྣམས་ལ།། མངོན་སུམ་ཡུལ་ལ་སྣང་བའོ།། དེ་རྣམས་མན་ཆད་ཡུལ་རྣམས་ལ།། མ་བསྟན་མཐོང་བར་མི་འགྱུར་རོ།། གནས་ལུགས་དྲུག་ལ་གཉེན་པོ་དྲུག། གཉེན་པོ་དྲུག་གིས་ཡེ་ཤེས
345a5 བསྒྲིབས།། དེ་ལ་གཉེན་པོ་རྣམ་དྲུག་གིས།། དེ་ཡི་རྩལ་ཉིད་འཇོམས་མ་ནུས།། ཡང་དག་གཉེན་པོ་ཆེན་པོ་ནི།། དབྱིངས་རིག་ཐབས་ཀྱི་མན་ངག་གོ། སེམས་ཅན་བློ་ཡི་སྣང་བ་ཉིད།། དུ་མར་སྣང་ཞིང་སྣ་ཚོགས
345a6 སྡུད།། ཐེ་ཚོམ་མེད་པར་མ་ཤེས་ན།། སྣང་བ་ཐ་དད་གཞན་དུ་འགྱུར།། གསང་བའི་ཡེ་ཤེས་ཡེ་གནས་པས།། དེ་ལ་གཉེན་པོས་བཤིག་ཏུ་མེད།། རྒྱུ་དང་རྐྱེན་ལ་རག་མ་ལུས།། ཡེ་ནས་རང་རིག་འོད་གསལ
iiif viewer powered by OpenSeadragon
