| e-texts navigator |
| Wylie |
344a1 པ་ཉིད།། ཕྱོགས་སུ་བལྟས་པས་གྲུབ་པ་མེད།། དཔེར་ན་ནོར་བུ་རིན་ཆེན་ལྟར།། ཟད་པ་མེད་པའི་ཡོན་ཏན་འབྱུང་།། དེ་བཞིན་རིག་པའི་སྐུ་མཐོང་ན།། ཡོན་ཏན་སྐུ་ལ་བསམ་མི་ཁྱབ།། སངས་རྒྱས
344a2 རྣམས་ཀྱི་ཡེ་ཤེས་ལྔ།། ཉི་ཟེར་བཞིན་དུ་རབ་ཏུ་འཕྲོ།། སྣང་དང་མི་སྣང་ཚིག་ལས་འདས།། རིག་པའི་ཡེ་ཤེས་དོན་རྟོགས་ན།། འཁོར་བའི་སྡུག་བསྔལ་ཇི་སྙེད་པ།། ཐམས་ཅད་རང་སྣང་ཉིད་དུ་གྲོལ།། དཔེར་ན་ཆུ
344a3 དར་འཐགས་པ་བཞིན།། ཆུ་ཉིད་བཀད་ཀྱི་རང་བཞིན་པས།། སྣ་ཚོགས་ཐབས་ཀྱིས་སྤུན་དུ་འགྱུར།། དེ་བཞིན་རང་རིག་འོད་གསལ་བས།། སྣ་ཚོགས་མཚན་མ་ཅི་འཕྲོས་ཀྱང་།། ཐམས་ཅད་རང་གི་ངོ་བོར
344a4 གྲོལ།། དཔེར་ན་གསེར་འགྱུར་ཉིད་ཀྱི་རྩི།། རྩི་བཏང་ནོར་གྱི་དབྱིག་འགྲུབ་ལྟར།། རིག་པའི་ཡེ་ཤེས་རང་སྣང་ལ།། གདམས་ངག་དོན་གྱིས་ཐེབས་གྱུར་ན།། རིག་པའི་རང་འོད་མཐོང་ནས་དོན་ཆེན་འགྲུབ།། ས
344a5 དང་ལམ་དང་ཚོགས་མེད་པས།། བྱས་པས་མཐོང་བར་མི་འགྱུར་རོ།། ཡེ་ཤེས་བྱུང་ཚུལ་དྲུག་ལྡན་པས།། སྣང་བའི་རྩལ་ལ་དྲུག་ཏུ་འབྱུང་།། སྣང་བའི་ལམ་ལ་ལྔར་གནས་པས།། འཇུག་པའི་ལམ་ལ་ལྔ་ལྟར
344a6 བྱུང་།། འཁྲུལ་པའི་དུས་ནི་གཅིག་ལྟར་འགྱུར།། གནས་པའི་དུས་ནི་གསུམ་ལྟར་གནས།། རྟོགས་པའི་དུས་ན་གཉིས་ལྟར་རྟོགས།། ལྡོག་པའི་དུས་ན་གསུམ་ལྟར་ལྡོག། སྣང་བའི་དུས་ན་ལྔ་ལྟར་སྣང་།། གྲོལ་བའི
iiif viewer powered by OpenSeadragon
