| e-texts navigator |
| Wylie |
343b1 པའོ།། །། དེ་ནས་རིགས་ཀྱི་རྒྱལ་པོ་སངས་རྒྱས་སེམས་དཔའ་དང་བཅས་པ་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཀུན་ཏུ་བཟང་།། རང་གནས་རྫོགས་པ་ཆེན་པོ་ཡི།། དོན་གྱི་རྣམ་པ
343b2 གསུང་དུ་གསོལ།། དེ་སྐད་རབ་ཏུ་ཞུས་པ་དང་།། ཀུན་བཟང་སེང་གེའི་རྩལ་གྱིས་བཀའ་སྩལ་པ།། ཀྱེ་མ་རིགས་ཀྱི་སེམས་དཔའ་དང་།། གཙོ་བོ་ཉིད་དུ་བཅས་པ་ཉོན།། མཚན་མའི་རྫོགས་ཆེན་ཚིག་གནས
343b3 ཀྱང་།། ཡང་དག་རྫོགས་ཆེན་ཚིག་ལས་འདས།། ཚིག་དང་ཡི་གེའི་རྣམ་གྲངས་རྣམས།། སེམས་ཅན་བློ་ལ་སྣང་བ་ཡིན།། དེ་ཡང་དོན་བཀྲོལ་འདི་ལྟ་སྟེ།། རྫོགས་ཆེན་སེང་གེ་རྩལ་སྤྲུགས་ལ།། མཚན་མར་སྣང་བའི
343b4 ཡུལ་མེད་དེ།། འོད་ཀྱང་སེམས་ཅད་རྟོག་པ་ལ།། བློ་དང་ཡུལ་གྱི་སྣང་བར་ཤར།། ཨེ་མ་ཧོ་གསང་བའི་ཐེག་པ་ནི།། འབྱུང་བར་ཤིན་ཏུ་དཀའ་བ་ཡིན།། དེས་ན་ཁྱོད་ཀྱིས་ལེགས་པར་ཉོན།། ཐབས་ལ་མཁས་པའི
343b5 ཡེ་ཤེས་སྐུ།། འབྱུང་བའི་དྲི་མ་མེད་པར་གསལ།། གསང་དང་མི་གསང་གཉིས་སུ་མེད།། རྣམ་པར་བསྒྱིངས་པའི་ཏིང་འཛིན་ནི།། གསང་བའི་དཀྱིལ་འཁོར་བསམ་ཡས་སོ།། དགོངས་པའི་དོན་ལ་རབ་གནས
343b6 ན།། ཉམས་ཀྱི་ཏིང་འཛིན་སྐྱེ་བར་འགྱུར།། སངས་རྒྱས་ཉིད་ཀྱི་དགོངས་པའོ།། ཐེག་པ་འོག་མའི་རིགས་རྣམས་ནི།། རང་སྣང་ཏིང་འཛིན་མ་ཤེས་པར།། ཕྱོགས་གཅིག་དག་ལ་གནས་པའོ།། ཡེ་ཤེས་ཆེན་པོའི་སྣང
iiif viewer powered by OpenSeadragon
