| e-texts navigator |
| Wylie |
343a1 ཀྱང་ཟབས་ལས་བྱུང་།། ཐབས་མེད་སངས་རྒྱས་འགའ་ཡང་མེད།། དོན་དང་རྟགས་དང་ཐ་དད་ལ།། ཡེ་ཤེས་ངོ་བོ་འགྱུར་བ་མེད།། སེམས་ཀྱི་སྣང་བ་ཟ་དད་ཀུན།། གཅིག་གི་ངོ་བོར་མ་ཤེས
343a2 ན།། གསང་སྔགས་ལམ་གྱི་གཏན་ཚིགས་མེད།། རིག་པའི་ཡེ་ཤེས་འགྱུར་བ་མེད།། རིག་པའི་སྣང་བ་ཀུན་ཏུ་སྣང་།། རིག་པའི་ཐུགས་རྗེ་ཀུན་ལ་ཁྱབ།། རིག་པའི་ཤེས་རབ་ཐུག་པ་མེད།། རིག་པའི་སྤྱོད་ཡུལ་ཅིར
343a3 ཡང་སྣང་།། སྔ་ཕྱི་མེད་པར་དུས་གཅིག་འཆར།། རིག་པའི་སྣང་བ་གཅིག་ཉིད་ལ།། སེམས་ཅན་བློ་བསམ་མ་ངེས་པས།། དུ་མ་ཐ་དད་དག་ཏུ་རྟོགས།། གཅིག་གི་ངོ་བོར་ཤེས་གྱུར་ན།། ཐམས་ཅད་སྣང་བ་མཐོང
343a4 བར་འགྱུར།། གཅིག་དང་གཉིས་སུ་སྣང་བ་ཡང་།། སེམས་ཅན་འཁྲུལ་པ་ཉིད་དུ་བསྟན།། སངས་རྒྱས་ཉིད་ཀྱི་སྣང་བ་ཉིད།། གཅིག་ལས་མེད་པར་རྒྱལ་བས་གསུངས།། གསང་སྔགས་ཀུན་གྱི་དགོངས་པ་ཡང་།། དེ
343a5 ལྟར་ཤེས་ན་རབ་ཏུ་བསྔགས།། རིགས་སྔགས་དང་ནི་གསང་སྔགས་དང་།། དེ་བཞིན་གཟུངས་སྔགས་ཉིད་ལས་ཀྱང་།། མདོ་དོན་འདི་ལྟར་བཤད་པ་ཡིན།། སངས་རྒྱས་མར་མེ་མཛད་ཀྱིས་ཀྱང་།། དགོངས་པ་འདི
343a6 ལྟར་རབ་ཏུ་བཤད།། རིག་པའི་གནས་ལུགས་དེ་ལྟ་བུ།། ཀུན་གྱི་གསང་དོན་དེ་བཞིན་ནོ།། ཞེས་སེང་གེ་རྩལ་རྫོགས་ཆེན་པོར་རྒྱུད་ལས། སེང་གེ་བཞུགས་ཐབས་ཀྱི་དགོངས་པ་བསྟན་པའི་ལེའུ་སྟེ་དགུ
iiif viewer powered by OpenSeadragon
