| e-texts navigator |
| Wylie |
342a1 རོལ།། སྐྱེ་མེད་ཆོས་སྐུ་གདོད་ནས་བསམ་དང་བྲལ།། ཡིན་མིན་ཐེ་ཚོམ་སྣ་ཚོགས་ངང་གིས་མེད།། སངས་རྒྱས་རྣམས་ཀྱི་དགོངས་པའི་ཐུགས་རྗེ་ནི།། འགྲོ་བ་ཀུན་ལ་རང་བཞིན་ཡེ་ནས་ཁྱབ།། གསང
342a2 བའི་རིག་པ་ཡུལ་ལ་སྣང་གྱུར་ན།། སྣང་བའི་འོད་ལྔ་མ་བུ་ཕྲད་པའི་ཚུལ།། མ་ཡི་སྣང་བ་བུ་ལ་ཐིམ་པའི་ཚེ།། བྱ་བྱེད་བློ་ཡི་སྣང་བ་ཀུན་སངས་ཏེ།། འཁྲུལ་རྟོག་ལུང་གི་ཐེ་ཚོམ་ཆོད་གྱུར་ནས།། ཡེ་ཤེས་ཉིད་ཟེར
342a3 ཀུན་ཏུ་སྣང་འགྱུར་ཞིང་།། མཚན་མ་དངོས་པོ་རབ་ཏུ་དེངས་པར་འགྱུར།། རྣམ་རྟོག་བློ་ཡི་ཐེ་ཚོམ་བྲལ་བའི་ཚེ།། རིག་པའི་ཤེས་རབ་སྟོབས་སུ་གྱུར་ནས་ནི།། བསམ་བྲལ་དང་ལས་དེ་བཞིན་རྣམ་པར་འབྱུང་།། སྣང
342a4 པབཔ་མེད་པས་ཡེ་ཤེས་ཅིར་ཡང་མཐོང་།། དེ་ཚེ་གསང་སྔགས་འབྲས་བུ་བཅུད་དང་ལྡན་གྱུར་ནས།། རིག་པའི་ཡེ་ཤེས་ཐུག་པ་མེད་པར་སྣང་།། དེ་ཚེ་རང་གི་དྲན་པ་སད་ནས་ནི།། ཡུལ་རྐྱེན་འབྱུང་བའི་ངོ་བོ་རྣམ་པར
342a5 དག། ཡངས་པའི་གྲོང་ཁྱེར་ཤེལ་གྱི་ཁང་བུར་གནས།། ཐ་སྙད་བྲལ་བའི་ཡེ་ཤེས་དོན་ལ་སྤྱོད།། གསང་སྔགས་ཚད་མའི་སྣང་བ་མཐོང་བར་འགྱུར།། ཤེས་རབ་ཡུལ་གྱི་སྣང་བ་རྣམ་པར་དག། ང་ཡི་ཡིན་དང་མིན
342a6 པའི་ཤེས་པ་མ་ཞུགས་ན།། ཞག་ལྔ་དག་ན་ཏིང་འཛིན་ཐོབ་པར་གསུངས།། ཡང་དག་ངེས་པའི་ལུང་ཆེན་འདི།། དེ་ཚེ་སྣང་བ་སད་གྱུར་ནས།། ཡེ་ཤེས་མཐའ་ཡས་འབྱུང་བར་གསུངས།། ཤེས་རབ་ཡུལ་གྱི་སྣང་བ
iiif viewer powered by OpenSeadragon
