| e-texts navigator |
| Wylie |
341b1 སྒྱུསྦྱར་བ་བཞིན།། སྐད་ཅིག་ཙམ་ལ་མི་བསྒྲིབ་པའོ།། བག་ཆགས་དང་ནི་རིག་པ་གཉིས།། རང་སྣང་མཐོང་བའི་ཁྱད་ཡོད་པས།། ཡེ་ཤེས་དོན་ལ་རབ་ཏུ་གནས།། གཟུང་བའི་ཡུལ་ལ་དེ་བཞིན་ནོ།། རྟོགས་པའི་དུས་ན
341b2 དེ་ལྟར་མེད།། རང་སྣང་རང་གིས་སྣང་བའོ།། ཤེས་པའི་ངོ་ལ་གང་འགྱུས་ཀྱང་།། ཡེ་ཤེས་རྒྱལ་པོ་འཛིན་པ་མེད།། རིག་པའི་རྒྱལ་པོ་ཀུན་ཏུ་སྣང་།། སེམས་ནི་སྣ་ཚོགས་སྡུད་པར་བྱེད།། གསང་སྔགས་རྒྱལ་པོ་ཐབས
341b3 ལ་མཁས།། ཀྱེ་མ་སངས་རྒྱས་དགོངས་པ་ནི།། ནང་མེད་ནང་ནས་ནོར་བུ་རིན་ཆེན་མཛོད་ཕྱུང་བ།། འགྲོ་མེད་འོང་མེད་གནས་སུ་ཡང་དག་ཐིམ།། བལྟར་མེད་སྐུ་ལས་ཆོ་འཕྲུལ་སྣ་ཚོགས་འབྱུང་།། གྲོགས་མེད
341b4 འདུག་པས་སྣང་བའི་དཀྱིལ་འཁོར་མཐོང་།། སངས་རྒྱས་ཉིད་ཀྱི་ཡེ་ཤེས་རིན་པོ་ཆེ།། སྣང་བ་ཉིད་དང་གཉིས་མེད་སྙོམས་པར་བཞུགས།། ཐབས་ཀྱི་ཞགས་པས་མཁའ་ཡི་ཉི་ཟེར་འཛིན།། ཡེ་ཤེས་ཞགས
341b5 པས་ཐམས་ཅད་དབྱིངས་སུ་སྡུད།། བཅོམ་ལྡན་མགོན་པོ་དེ་བཞིན་གཤེགས་པའི་སྐུ།། སྣང་བའི་དཀྱིལ་འཁོར་དུ་མར་དབང་བསྒྱུར་ཞིང་།། ཡེ་ཤེས་རོལ་པ་མཁའ་ལ་ཉི་ཟེར་བཞིན།། སྣང་བའི་ཆོ་འཕྲུལ་གཅིག་ཏུ
341b6 མ་ངེས་ཏེ།། འབྱུང་བའི་ཆོ་འཕྲུལ་ཅིར་ཡང་སྟོན་པར་མཛད།། ཡེ་ཤེས་སྡུད་པའི་འཁོར་ལོ་སྣ་ཚོགས་བསྐོར།། མཚོན་བྲལ་ལུང་གི་པདྨ་སྣ་ཚོགས་གསལ།། འབྱུང་བའི་རྐྱེན་བྲལ་ཆོས་ཉིད་མཁའ་ལ་རྣམ་པ
iiif viewer powered by OpenSeadragon
