| e-texts navigator |
| Wylie |
341a1 རྣལ་མ་ཉིད།། གནས་པའི་དུས་ན་དེ་བཞིན་ནོ།། རིག་པའི་གནས་ལུགས་རྒྱས་པ་ནི།། སེམས་ཅན་ཀུན་ལ་ཡང་དག་གནས།། སྟོང་པའི་མུ་ལ་མི་གནས་ཤིང་།། གསལ་བའི་ངཔལ་དེ་བཞིན
341a2 གཤེགས།། སངས་རྒྱས་ཉིད་ཀྱི་སྣང་བ་ལ།། རྣམ་པར་རྟོག་པའི་ཕྱོགས་དང་བྲལ།། ཡེ་ནས་རང་བཞིན་དཀྱིལ་འཁོར་ཉིད།། ཡེ་ནས་རང་བཞིན་འོད་གསལ་བས།། མུན་པ་ལས་ནི་སྣང་བ་འབྱུང་།། རང་རིག་གནས
341a3 ནས་བདེ་གནས་པ།། ཤེས་རབ་ཐ་སྙད་རྣམ་པར་དག། གཡེང་བའི་ཕྱོགས་སུ་མ་ལྷུང་ན།། ཡེ་ཤེས་དྲི་མེད་མཐོང་བ་ཡིན།། ལམ་ལ་བཅོས་སུ་མེད་པར་བསྟན།། གཞི་ལ་བཟང་ངན་མེད་པར་བསྟན།། ཆོས་ལ་ཆེ་ཆུང
341a4 མེད་པར་བསྟན།། གསང་བ་དང་ནི་མངོན་སུམ་པ། ཁྱད་མེད་གཅིག་ཏུ་དེ་བཞིན་གཤེགས།། སངས་རྒྱས་ཀུན་དང་མཉམ་སྦྱོར་བའི།། རིག་པའི་ཡེ་ཤེས་རྟོགས་དཀའ་བ།། རབ་ཏུ་གསང་བ་འདི་བཤད་དོ།། ཡང
341a5 ག་ཉིད་ལས་ཡང་དག་རྙེད།། དཀྱིལ་འཁོར་ཉིད་ལས་དཀྱིལ་འཁོར་འབྱུང་།། དགོངས་པའི་གནས་ལུགས་རྒྱས་པའོ།། ཀྱེ་ཧོ་ཡེ་ཤེས་ལུས་ཀྱི་གཟུང་།། སྣང་བ་བས་ཀྱང་མུན་པ་ཆེ།། ཀུན་ནས་མུན་པ་སྣང་བར
341a6 འགྱུར།། འཁོར་བའི་བག་ཆགས་སྦྱང་དཀའ་བ།། ཡང་དག་ངེས་དོན་འདི་མཐོང་ན།། སྐྱེ་བ་མེད་པ་ཐོབ་པར་འགྱུར།། རིག་པའི་ཡེ་ཤེས་ལུས་ལས་འདས།། བག་ཆགས་དག་གིས་མི་བསྒྲིབ་པ།། དཔེར་ན་སྦྲུལ་ལྐོག
iiif viewer powered by OpenSeadragon
