| e-texts navigator |
| Wylie |
340b1 ཡས།། མཐུན་པའི་ཡེ་ཤེས་རབ་སྣང་བས།། རྟགས་ཀྱི་ཡེ་ཤེས་མཐོང་བར་སྣང་།། ཐབས་ཉིད་མ་འགགས་དོན་ཉིད་ཡངས།། མཚན་མ་མེད་པའི་རིག་པ་ཉིད།། འབྲས་བུ་བཅུད་ལེན་ཤིང་ལྟ་བུ།། སྣ་ཚོགས་བསྐྱེད
340b2 པའི་ཡེ་ཤེས་སྐུ།། རང་གནས་ཡིན་པར་ཉིད་ཀྱིས་བཤད།། ཐུག་པ་མེད་པར་ཀུན་ཏུ་རྟོགས། ཁབ་ལེན་རྡོ་ལ་ལྕགས་འདུ་ལྟར།། ཤེས་རབ་ཆེན་པོས་དོན་རྟོགས་ན།། རིག་པའི་སྣང་བ་ཐམས་ཅད་སྡུད།། ཨེ་མ་སྐུ
340b3 དང་རིག་སྣང་ཡང་།། རང་བྱུང་ཉིད་ཀྱི་ཆོ་འཕྲུལ་ལོ།། ཤེས་རབ་ཉིད་ཀྱི་སྣང་བ་མཐོང་།། རིག་པ་ཉིད་ལ་རིག་པ་མེད།། ཅི་ཕྱིར་སྣ་ཚོགས་མཚོན་པའི་ཕྱིར།། ཆགས་པའི་ཡེ་ཤེས་ཆུ་བཞིན་ནོ།། སྣང་བའི་ཡེ་ཤེས་མེ
340b4 བཞིན་ནོ།། བསྐྱོད་པའི་ཡེ་ཤེས་རླུང་བཞིན་ནོ།། གསང་བ་ཐབས་ཀྱི་ཡན་ལག་ཉིད།། ཉི་ཤུ་རྩ་གཅིག་དག་ཏུ་བསྟན།། ཡེ་ནས་ཡེ་ཤེས་རང་གསལ་བས།། དག་པའི་ཡེ་ཤེས་མཐའ་དབུས་མེད།། འབྱུང་བ་ཉིད་ལ
340b5 བྱུང་བ་མེད།། རིག་པ་ཉིད་ལ་བྱུང་བ་ཡོད་མེད་ཀྱང་།། གསང་སྔགས་དོན་གྱི་སྙིང་པོ་ལ།། ཚིག་དང་བརྗོད་པས་དོན་མི་རྙེད།། སྒྲོན་མའི་ཡེ་ཤེས་སྤྱན་གྱི་མཆོག། སྣང་བའི་རིག་པ་ངོས་བཟུང་བས།། སྙིང་པོ་རིག་པ་ལུ
340b6 གུ་རྒྱུད།། དངས་མ་འོད་ལྔའི་སྒྲོན་མ་མཆོག། ཤེས་རབ་རང་བྱུང་ཁོང་ནས་གསལ།། ཡེ་ཤེས་སྐུ་ཉིད་རྣམ་པར་དག། སྣང་བ་མེད་ཡོད་ཅིང་ཡང་བྱུང་པའི་རང་གསལ་ནི།། དྲི་མའི་ཕྱོགས་སུ་མ་ལྷུང་བའོ།། སོ་མ་ལྷུག་པ
iiif viewer powered by OpenSeadragon
