| e-texts navigator |
| Wylie |
340a1 ཉིད།། གསལ་དང་མི་གསལ་གཉིས་སུ་མེད།། ཆོས་དང་ཆོས་མིན་སྣང་བ་མེད།། རྟོགས་པའི་ཡེ་ཤེས་ཚིག་ལས་འདས།། འདས་དང་མ་བྱོན་ད་ལྟར་གྱི།། དགོངས་པ་ཇི་སྙེད་ཡོད་པ་དེ་དག་ནི།། རིག
340a2 པའི་ཡེ་ཤེས་སྣང་བ་ཡིན།། ཐེ་ཚོམ་གཉིས་ཀྱི་རྟོག་པ་མེད།། ཡུལ་དང་སེམས་མེད་དགོངས་པར་བསྟན།། ཡེ་ཤེས་ཐབས་ལ་མཁས་པ་ཡིས།། རྩོལ་སེམས་གཉིས་སུ་མེད་པ་ལ།། རྩོལ་སེམས་གཉིས་ཀྱི་སྣང་བ
340a3 འབྱུང་།། དྲི་མེད་གསལ་བའི་དངོས་པོ་ནི།། དཔེར་ན་མན་ཤེས་ལྟ་བུར་བཤད།། ཡངས་པའི་ཡེ་ཤེས་ཚིག་མཐའ་ཡས།། སྟོང་པའི་ཡེ་ཤེས་འགྲིབ་པ་མེད།། འོད་གསལ་དཀྱིལ་འཁོར་ཡང་དག་སྐུ།། རིག་པའི་ཡེ
340a4 ཤེས་འོད་ལ་ལྟོས།། རང་སྣང་ཐབས་ཀྱི་རྒྱལ་པོ་ལས།། སྟོབས་ཀྱི་རིག་པ་མ་འགགས་པས།། སངས་རྒྱས་རྣམས་ཀྱི་རིག་པར་བཤད།། ཡེ་ཤེས་དོན་ལ་རྟོག་པ་སངས།། ཨེ་མ་ཡེ་ཤེས་སེམས་དཔའ་ཉིད།། སྐུ་ཡི་སྣང
340a5 ཁོ་ནའོ།། ཀྱེ་མ་ཀློང་ཡངས་དོན་རྟོགས་ན།། ཡང་དག་ངོ་བོ་མཐོང་བར་འགྱུར།། གསང་སྔགས་གསང་བ་ཉིད་ལ་ཡང་།། རིག་པའི་ཡེ་ཤེས་ཐབས་གསང་བས།། སྣང་བ་དང་གིས་མེད་པའོ།། སྟོང་པ་ཉིད་ཀྱི་ཡེ
340a6 ཤེས་ལས།། གསལ་བ་ཉིད་ཀྱི་འོད་ཟེར་བྱུང་།། ང་ནི་རིག་པའི་རྒྱལ་པོ་ལ།། ཡུལ་རྐྱེན་དང་ནི་དྲི་མ་མེད།། ཨེ་མ་ཡངས་པའི་སྣང་བ་ཀུན་ཏུ་འབར།། གསལ་བའི་ཡེ་ཤེས་ཐུག་པ་མེད།། དོན་གྱི་ཡེ་ཤེས་གཏིང་མཐའ
iiif viewer powered by OpenSeadragon
