| e-texts navigator |
| Wylie |
339b1 རྒྱུད་དུ་འགུལ་བའོ།། དབྱིངས་ཀྱི་མཚན་ཉིད་འདི་སྟེ།། ཡངས་དང་ལྷུན་སྡུག་གཏིང་མཐའ་ཡས།། གསལ་དང་དྲོད་དང་བསིལ་བ་དང་།། ཡང་ཞིང་གཡོ་བའི་བདག་ཉིད་འཛིན། ཁྱབ་དང་མུ་ཁྱུད་ར་བའོ།། ཡེ་ཤེས
339b2 མཚན་ཉིད་འདི་ལྟ་སྟེ།། འབྱུང་དང་བྱུང་དང་རང་གསལ་དང་།། ཡེ་དང་ཤེས་དང་རྟོགས་པའོ།། གསལ་དང་འཚེར་དང་འཇམ་པ་ཉིད།། སྣང་དང་མུན་དང་གོ་འབྱེད་པ།། སྟོང་དང་གསལ་བའི་ཡེ་ཤེས
339b3 མཆོག། གསང་སྔགས་མཚན་ཉིད་དག་ཏུ་འདོད།། ཨེ་མ་ཡེ་ཤེས་ཐབས་ལ་མཁས།། ཀུན་མཁྱེན་ཡེ་ཤེས་མཛོད་འཛིན་པའི།། སངས་རྒྱས་ཀུན་གྱི་སྤྲུལ་པའི་སྐུ།། རྡོ་རྗེ་སེམས་དཔའ་གསང་མཛོད་སྟོན།། ཡེ་ཤེས་སྐུ
339b4 དང་སྣང་མཐའ་ཡས།། ཡེ་ཤེས་ཆགས་པ་མི་མངའ་ཡང་།། སེམས་ཅན་བློ་ཡི་སྣང་བ་རྣམས།། གསལ་བར་བྱ་ཕྱིར་རྒྱུད་འདི་བཤད།། ཨེ་མ་སྔགས་འཆང་ཐུགས་རྗེ་ཆེ།། འབྱུང་བ་ལྔ་ཡི་དྲ་བ་ནས།། ཡེ་ཤེས་ལྔ་ཡི།
339b5 སྣང་བ་ཤར།། སྟོང་པའི་ཡེ་ཤེས་བདག་མེད་ཅིང་།། གསལ་བའི་ཡེ་ཤེས་ཚིག་ལས་འདས།། སྣང་མཐའ་ཡས་ཀྱི་ཞིང་ཁམས་སུ།། རིག་པའི་སྣང་བ་མཐོང་བར་འགྱུར།། རིག་པའི་ཡེ་ཤེས་རྟོག་མེད་ཉིད།། ཡང་ནས
339b6 ཡང་དུ་འདྲིས་པར་བྱ།། གསང་སྔགས་ལམ་གྱིས་ཡེ་ཤེས་ཉིད།། ཆགས་པ་མེད་པའི་ས་བོན་གསལ།། བཅོས་པ་མེད་པའི་རང་བྱུང་ཉིད།། མཐའ་ཡས་དོན་ལ་འགྱུར་བ་མེད།། སེམས་ཅན་ཡེ་ཤེས་སྣང་བ
iiif viewer powered by OpenSeadragon
