| e-texts navigator |
| Wylie |
339a1 འདི་གསུངས་སོ།། ཀྱེ་མ་སངས་རྒྱས་རིག་པའི་སྐུ།། ང་ཡིས་བསྟན་གྱིས་པ་ལ་ཉོན།། ཨེ་མཧོ་རིག་པའི་ཡེ་ཤེས་ཉིད།། སངས་རྒྱས་སེམས་ཅད་ཐམས་ཅད་ལ།། འགྱུར་བ་མེད་པའི་ཚུལ་དུ
339a2 གནས།། དེ་ཡང་གནས་ལུགས་འདི་ལྟ་སྟེ།། ཙིཏྟ་རིན་ཆེན་གཞལ་ཡས་དང་།། རིན་ཆེན་རྩ་ཡི་གཞལ་ཡས་དང་།། རྣམ་དག་དུང་ཁང་གཞལ་ཡས་དང་།། བྷཾ་གུ་ཏ་ཡི་གཞལ་ཡས་སོ།། གཞལ་ཡས་ཆེན་པོ་དེ་རྣམས
339a3 ན།། རིག་པའི་ངོ་བོ་རྩལ་ལྟར་སྣང་།། དེ་ཡང་བཤད་པ་འདི་ལྟ་སྟེ།། ལ་ལ་དག་ན་སྐུ་རུ་གནས།། ལ་ལ་དག་ན་ཐིག་ལེ་སྟེ།། གཅིག་ལ་འོད་ཟེར་ཚུལ་དུ་གནས།། གཅིག་ན་ལུ་གུ་རྒྱུད་དུ་འབྱུང་།། དེ་ནི་གནས་པའི
339a4 མདོ་ཉིད་བསྟན།། སངས་རྒྱས་ཡེ་ནས་གནས་པའི་དོན།། སེམས་ཅན་ཀུན་ལ་གནས་པའི་དོན།། རྒྱལ་བ་ཉིད་ཀྱིས་རབ་ཏུ་བཤད།། རིག་དང་མ་རིག་སྣང་བ་ཉིད།། བྱ་བྱེད་གཉིས་ཀྱི་མཐའ་ལས་འདས།། ཡངས་པ
339a5 ཉིད་དང་སྐུ་ལྟར་འཕྲོ།། གསལ་བ་ཉིད་ལྟར་སྐུ་ལྟར་བྱུང་།། སྟོང་པ་ཉིད་ལྟར་ཟེར་ལྟར་བྱུང་།། སངས་རྒྱས་དང་ནི་སེམས་ཅན་གཉིས།། རིག་པ་སོ་སོ་མ་ཡིན་ཏེ།། སྣང་བ་སོ་སོ་ཉིད་དུ་བསྟན།། སྣང་བ་སོ་སོར་མ
339a6 གསལ་ན།། སངས་རྒྱས་པ་ལ་དོན་གོ་མེད།། སྐུ་ཡི་མཚན་ཉིད་འདི་ལྟ་སྟེ།། འགྱུར་བ་མེད་དང་གསལ་བ་དང་།། སྟོང་པ་དང་ནི་རྟོག་བྲལ་ལོ།། རིག་པའི་མཚན་ཉིད་འདི་ལྟ་སྟེ།། ཕྲ་བ་ཉིད་དང་འཕྲོ་བ་དང་།། ལུ་གུ
iiif viewer powered by OpenSeadragon
