| e-texts navigator |
| Wylie |
338b1 ལས།། གསང་བའི་ཡེ་ཤེས་འོད་དུ་གསལ།། སྒྲོན་མའི་སྣང་བ་མཐའ་ལས་འདས།། རང་རིག་ཡེ་ཤེས་བརྗོད་པས་སྟོང་།། སྟོང་པའི་ཡེ་ཤེས་འགྱུར་བ་མེད།། མཐའ་གཉིས་སྤངས་པ་རྫོགས་ཆེན་དོན།། འགྱུར་མེད
338b2 སྣང་བ་རྫོགས་པའོ།། གཅིག་དང་གཉིས་སུ་མེད་སྣང་བས།། ཡུལ་དུ་མ་ཡིན་རང་བྱུང་ཡིན།། བྱ་བཙལ་ཉིད་དང་རབ་ཏུ་བྲལ།། ཀློང་ཡངས་དོན་ལ་མཐའ་ཡས་པའོ།། ཞེས་སེང་གེ་རྩལ་རྫོགས་ཆེན་པོའི་རྒྱུད་ལས།།
338b3 སེང་གེ་རྩལ་ཆེན་གྱི་གནས་ལུགས་བསྟན་པའི་ལེའུ་སྟེ་བརྒྱད་པའོ།། །། དེ་ནས་བཅོམ་ལྡན་འདས་སེང་གེ་བཟང་པོ་དེས། ཆོས་ཉིད་རབ་ཏུ་འབྱེད་པའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས
338b4 སྐད་ཅིག་ལ་རིགས་བཞིའི་སངས་རྒྱས་ཕྱོགས་བཞི་ནས་ལྷགས་ནས་འདི་སྐད་ཅེས་གསོལ་ཏོ།། ཨེ་མ་ཧོ།། ཀྱེ་ཀྱེ་བཅོམ་ལྡན་འདས།། བདག་ཅག་འདུས་པའི་ཚོགས་རྣམས་ལ།། རང་སྣང་དཀྱིལ་འཁོར་བསྟན་དུ
338b5 གསོལ།། ཡེ་ཤེས་རྟགས་དང་རབ་ཏུ་ལྡན།། མིང་དང་མཚན་མ་ལས་གྲོལ་བའི།། ཐབས་ཆེན་ཡན་ལག་བསྟན་དུ་གསོལ།། ཏིང་ངེ་འཛིན་ལས་རབ་ཏུ་བཞེངས།། དེ་སྐད་ཞུ་བ་ཕུལ་བ་དང་།། བཅོམ་ལྡན་ཀུན་བཟང
338b6 སེང་གེ་དེས།། ཏིང་ངེ་འཛིན་ལས་བཞེངས་ནས་ནི།། རིགས་ཀྱི་སངས་རྒྱས་དེ་རྣམས་ལ།། རྫོགས་པ་ཆེན་པོ་ཉིད་ཀྱི་དབྱིངས།། སྙིང་པོ་དོན་གྱི་རིག་པའི་སྐུ།། སེམས་ཅན་ཀུན་ལ་ཡོད་པའི་དོན།། རབ་ཏུ་གསང་བ
iiif viewer powered by OpenSeadragon
