| e-texts navigator |
| Wylie |
338a1 མི་ཤེས་མེད།། མཐའ་ཡས་དང་ནི་འགྱུར་མེད་དང་།། མཐར་ཐུག་རྟགས་ལ་ཟད་པ་མེད།། མཚན་མའི་ཚིག་ལ་ཐུག་པ་མེད།། རང་རིག་དོན་ལ་འགྱུར་བ་མེད།། གསང་སྔགས་དོན་ལ་ཕྱོགས་ལྷུང
338a2 མེད།། སེམས་ཅན་ལུས་ལ་སྟོང་པ་མེད།། སངས་རྒྱས་སྐུ་ལ་སྐྱེ་འབྲི་མེད།། ཡེ་ཤེས་དོན་ལ་སྐྱེ་འགག་མེད།། འཁྲུལ་སྣང་ཉིད་ལ་ཟིན་པ་མེད།། འོད་ཟེར་ཉིད་ལ་ཆགས་པ་མེད།། རྫོགས་ཆེན་དོན་ལ་ཐ་སྙད
338a3 མེད།། རང་རིག་སྐུ་ལ་གཟུང་འཛིན་མེད།། ཀྱེ་མ་ཕྱོགས་སུ་བལྟས་པས་གྲུབ་པ་མེད།། རེག་དང་བྲལ་བས་ཁ་དོག་མེད།། བརྗོད་གཞི་མེད་པས་སྣང་མཐའ་ཡས།། ཨེ་མ།། དཀྱིལ་འཁོར་ཡངས་པ་ཀུན་ཏུ
338a4 གསལ།། རང་རྫོགས་ཡེ་ཤེས་སྣང་དུ་རུང་།། ཐོག་མེད་དུས་ནས་རང་སྣང་བས།། གསང་སྔགས་རྟོགས་པའི་མཆོག་ཏུ་བསྟན།། དགོངས་པ་རྣམ་དག་ཡེ་ཤེས་དོན།། ཐ་སྙད་མ་ཡིན་གཅིག་པུ་ཉིད།། གསང་སྔགས
338a5 རྫོགས་ཆེན་ཡེ་ཤེས་ཉིད།། དཔེར་ན་འདམ་གྱི་པདྨ་བཞིན།། རིག་པའི་ཡེ་ཤེས་ངོ་བོ་ཉིད།། མུན་པ་ཉིད་ལས་སྣང་བར་འགྱུར།། སྣང་བ་ཉིད་ལས་ཡེ་ཤེས་མུན་པ་འབྱུང་།། འཁྲུལ་པ་ཉིད་ལས་ཡེ་ཤེས་སྐྱེ།། དག་སྣང
338a6 ཉིད་ལས་འཁོར་བར་ལྟུང་།། ཕྱོགས་ཆ་གཉིས་ལས་བྲལ་བའོ།། སངས་རྒྱས་ཉིད་ལས་སེམས་ཅན་ཏེ།། སེམས་ཅན་ལ་ཡང་སངས་རྒྱས་འབྱུང་།། རྒྱུ་ཉིད་འབྲས་བུར་སློང་བའི་ཕྱིར།། ཡང་དག་ཡེ་ཤེས་ཐུགས་ཉིད
iiif viewer powered by OpenSeadragon
