| e-texts navigator |
| Wylie |
337b1 གྲུབ།། གཟུང་འཛིན་གཉིས་སུ་མེད་པར་རྫོགས།། བསྐྱེད་རིམ་མ་བྱས་ལྷ་ཚོགས་མཐོང་།། གོམ་པ་གཅིག་གིས་ཕ་རོལ་ཕྱིན།། ཏིང་འཛིན་གཅིག་གིས་ས་རྣམས་གནོན།། བལྟ་བ་གཅིག་གིས་ཕྱི་ནང་མཐོང་།། བསྒོམ
337b2 པ་གཅིག་གིས་ཆགས་མེད་རྙེད།། སྤྱོད་པ་གཅིག་གིས་རང་སྣང་རྟོགས།། འབྲས་བུ་གཅིག་གིས་འདོད་པ་གྲུབ།། དཔེར་ན་ཁང་སྟོང་མུན་ནག་ཉིད།། སྣང་བ་གཅིག་གིས་སེལ་བ་ལྟར།། མ་རིག་འཁོར་བའི་མུན་པ
337b3 རྣམས།། སྣང་བ་གཅིག་གིས་ཐམས་ཅད་སེལ།། སངས་རྒྱས་ཀུན་གྱི་ཡེ་ཤེས་དང་།། སེམས་ཅན་ཀུན་གྱི་རིག་པ་གཉིས།། གཅིག་ལས་མེད་པར་མགོན་པོས་བཤད།། སངས་རྒྱས་སྣང་བ་དམིགས་མེད
337b4 དང་།། སེམས་ཅན་སྣང་བ་དམིགས་པ་ཅན།། གཅིག་ཉིད་ཡིན་པར་རྒྱལ་བས་བཤད།། གསལ་བའི་དཀྱིལ་འཁོར་འོད་ཟེར་ནི།། མུ་ཁྱུད་ར་བ་ཟླུམ་པོར་གནས།། སྐུ་ཡི་འོད་སྣང་འདི་ལྟ་སྟེ།། གསལ་འཚེར་ལྷུན
337b5 སྡུག་གཟི་བྱིན་འབར།། འོད་ཟེར་ཀུན་ཏུ་འཕྲོ་བའོ།། མདོག་བཟང་ལྷུན་ཡངས་དཀྱིལ་འཁོར་འབྱུང་།། སྣ་ཚོགས་སྐུ་ལས་འབྱུང་བའོ།། ཡེ་ཁྱབ་ལྷུན་བརྡལ་ཀུན་གསལ་ཤར།། ཡེ་ཤེས་འགག་མེད་འཆར་བའོ།། ཡེ
337b6 ཤེས་དང་ནི་ཡང་དག་སེམས།། སྐུ་ནི་སྣ་ཚོགས་འཕྲོ་བའོ།། རྫོགས་ཆེན་ཡེ་ཤེས་སྣང་བ་ཉིད།། སྣ་ཚོགས་སུ་ནི་འབྱུང་བར་བཤད།། སྟོང་པ་དང་ནི་གསལ་བའི་སྐུ།། འབྱུང་བ་དང་ནི་མི་འབྱུང་མེད།། ཤེས་པ་དང་ནི
iiif viewer powered by OpenSeadragon
