| e-texts navigator |
| Wylie |
337a1 ཏུ་བསྟན།། ཡངས་པའི་གྲོང་ཁྱེར་གཏིང་མཐའ་ཡས།། གསལ་བའི་གྲོང་ཁྱེར་ཐུག་པ་མེད།། རྫོགས་པ་ཆེན་པོའི་ཡེ་ཤེས་ནི།། ང་དང་བདག་ཏུ་མི་རྟོག་ན།། ཡེ་ཤེས་སྣང་བ་རྫོགས་པར་འགྱུར།། མཐའ
337a2 ལ་མི་གནས་རྡོ་རྗེའི་སྐུ།། རྐྱེན་གྱིས་མི་ཤིགས་སྟོང་ཉིད་ཆེ།། གསང་བའི་རིག་པ་ཀུན་ལ་ཁྱབ།། ཨེ་མ་བལྟ་བའི་དོན་ལ་ཐུག་པ་མེད།། ཐུག་མེད་ཡེ་ཤེས་ངོ་བོ་ཉིད།། སྣང་བ་བཞི་ཡི་དྲི་མ་བསལ།། སངས་དང་མ
337a3 སངས་གཉིས་མེད་ཀྱང་།། ལྟར་སྣང་ཉིད་ལ་གཉིས་སུ་བྱུང་།། རྫོགས་ཆེན་ལྟ་བའི་ཞེ་ཕུགས་ལ།། སངས་དང་མ་སངས་གཉིས་དང་བྲལ།། རྫོགས་ཆེན་ལྟ་བའི་བསྐྱལ་ས་ནི།། ཡང་ན་ཅི་ཡང་མེད་པ་ལ།། ཡང་ན་སྣ
337a4 ཚོགས་འབྱུང་བའོ།། ཡངས་དང་དོག་པ་གཉིས་སུ་མེད།། ཡིན་དང་མིན་པ་གཉིས་སུ་མེད།། འདས་དང་མ་འདས་གཉིས་སུ་མེད།། རྟོགས་དང་མ་རྟོགས་གཉིས་སུ་མེད།། བཟང་དང་ངན་པ་གཉིས་སུ་མེད།། མཐའ
337a5 དང་དབུས་སུ་གདགས་སུ་མེད།། གོལ་དང་སྒྲིབ་པ་གཉིས་སུ་མེད།། དགེ་དང་སྡིག་པ་གཉིས་སུ་མེད།། བསྲུང་དང་མི་བསྲུང་གཉིས་སུ་མེད།། དེ་ནི་གཉིས་མེད་ལྟ་བའོ།། རྫོགས་ཆེན་རང་གསལ་ངོ་བོ་ལ།། མུན
337a6 དང་སྣང་བ་མེད་ཤེས་ན།། ཡང་དག་དོན་གྱི་སྙིང་པོ་རྙེད།། བྱར་མེད་ལྷུན་རྫོགས་ཆེན་པོ་སྟེ།། སྔགས་དང་ཕྱག་རྒྱ་མ་བསྒྱུར་རྫོགས།། ཏིང་འཛིན་ཡིག་འབྲུ་མ་བསྒོམས་གསལ།། སྙིང་པོ་བཟླས་བརྗོད་མ་བྱས
iiif viewer powered by OpenSeadragon
