| e-texts navigator |
| Wylie |
336b1 ཆེན་འགྱུར་མེད་རྣམ་ལྔ་ཉིད།། སྦྱངས་པས་ཕྱིན་པར་མི་འགྱུར་ཏེ།། དཀྱིལ་འཁོར་རྣམ་པ་གསུམ་ལ་ཐུག། རྫོགས་ཆེན་འབྲས་བུ་རང་སངས་ཉིད།། བསྒྲུབས་པས་ཐོབ་པར་མི་འགྱུར་ཏེ།། ཉི་ཤུ་རྩ་གཅིག་ཐབས
336b2 ལ་ཐུག། རྫོགས་ཆེན་གསང་སྔགས་ངོ་བོ་ཉིད།། མཆོད་པས་དངོས་གྲུབ་མི་འབྱུང་སྟེ།། ཟིལ་གནོན་རྣམ་པ་གསུམ་ལ་ཐུག། རྫོགས་ཆེན་སྟོང་ཉིད་ཡེ་ཤེས་ཉིད།། བསམས་པས་རང་རིག་མི་མཐོང་སྟེ།། བསྟན་པའི
336b3 སྙིང་པོ་གསུམ་ལ་ཐུག། རྫོགས་ཆེན་རང་འོད་གསལ་བ་ཉིད།། སྤྲས་པས་མཐོང་བར་མི་འགྱུར་ཏེ།། དོན་གྱི་སྣང་བ་གསུམ་ལ་ཐུག། དེས་ནི་རྫོགས་ཆེན་མཐའ་ལ་སྐྱོལ།། རང་རིག་སྟོན་པ་དེ་བཞིན་ནོ།། ཨེ་མ
336b4 ཧོ།། སྣང་བ་ཆེན་པོ་གསལ་བ་ཆེ།། ཡེ་ནས་གནས་པའི་གསང་སྔགས་བཅུད།། རྫོགས་པ་ཆེན་པོ་ཡེ་ཤེས་ནི།། སངས་རྒྱས་པས་ཀྱང་ཆེ་བ་ཉིད།། རྫོགས་ཆེན་མཐར་ཐུགས་ཡེ་གནས་དོན།། ཀུན་གྱི་སྙིང་པོ་ཡིན་པས
336b5 ན།། གསང་སྔགས་རྣམས་ཀྱི་མངོན་སུམ་དོན།། ཡང་དག་ཡེ་ཤེས་འོད་གསལ་བས།། འབྱུང་བའི་ཡེ་ཤེས་འོད་དུ་གསལ།། ཆགས་པ་མེད་པའི་ཡེ་ཤེས་ནི།། རྟོགས་དང་མ་རྟོགས་གཉིས་སུ་མེད།། སངས་རྒྱས་ཉིད་ཀྱི
336b6 སྣང་བ་ནི།། ཕྱོགས་དང་རིས་སུ་ག་ལ་ཡོད།། ཀུན་ཏུ་བཟང་པོ་ང་ཡི་སེམས།། དངོས་པོ་མེད་ལ་རྟོགས་མཐའ་བྲལ།། མཐའ་དང་དབུས་སུ་མི་འབྱེད་ན།། རིག་པའི་ཡེ་ཤེས་སྣང་བ་ཉིད།། སེམས་དང་བྲལ་བར་རྟག
iiif viewer powered by OpenSeadragon
