| e-texts navigator |
| Wylie |
336a1 དང་མ་འཁྲུལ་མེད་པའོ།། སེམས་ཅན་བློ་ཡི་བསམ་པ་རྣམས།། ཚིག་དང་ཡི་གེས་མི་ཆོད་དེ།། གདམས་ངག་སྙིང་པོ་གསུམ་ལ་ཐུག། རང་རིག་ཆོས་སྐུའི་སྣང་བ་ནི།། བལྟས་པས་མཐོང་བར་མི་འགྱུར
336a2 ཏེ།། བཞག་ཐབས་ངོ་བོ་གསུམ་ལ་ཐུགས།། རྫོགས་ཆེན་འགག་མེད་སྤྱོད་པ་ཉིད།། བྱས་པས་འབྱུང་བར་མི་འགྱུར་ཏེ།། ཆགས་མེད་རང་གྲོལ་གསུམ་ལ་ཐུག། རྫོགས་ཆེན་བསྒོམ་པ་ཡེ་རྫོགས་ཉིད།། བསྒོམས་པས
336a3 བྱུང་བ་མ་ཡིན་ཏེ།། འགྱུ་མེད་བསམ་བྲལ་གཞི་ལ་ཐུག། རྫོགས་ཆེན་དོན་ཉིད་རྟོགས་དཀའ་བས།། མཚོན་པའི་ཚིག་གིས་མི་རྙེད་དེ།། གདམས་ངག་གསང་བཅུད་གཉིས་ལ་ཐུག། རྫོགས་ཆེན་རིག་པ་རྟོག་མེད
336a4 ཉིད།། བསྒོམས་པས་རྟོགས་པར་མི་འགྱུར་ཏེ།། བསྐྱལ་ས་ཆེན་པོ་གཅིག་ལ་ཐུག། རྫོགས་ཆེན་རང་བྱུང་ཡེ་ཤེས་ཉིད།། བསྒྲུབས་པས་འགྲུབ་པར་མི་འགྱུར་ཏེ།། ངེས་པའི་སྙིང་པོ་གཉིས་ལ་ཐུག། རྫོགས་ཆེན་འབྲས
336a5 བུ་ཅིག་ཆོད་ནི།། བསྐྱེད་པས་རྫོགས་པར་མི་འགྱུར་ཏེ།། ཆགས་བྲལ་མན་ངག་གསུམ་ལ་ཟུག། རྫོགས་ཆེན་སྣང་བ་ཟུག་ཕྲད་ཉིད།། བཟུང་བས་ཟིན་པར་མི་འགྱུར་ཏེ།། རྣམ་དག་ངོ་བོ་ལྔ་ལ་ཐུག། རྫོགས་ཆེན་རྟོག
336a6 མེད་གསལ་གདངས་ཉིད།། ཆགས་པས་དོན་དམ་མི་རྟོགས་ཏེ།། ཡིན་པ་རྣམ་པ་དྲུག་ལ་ཐུག། རྫོགས་ཆེན་སྣང་བ་བཞི་རྫོགས་ཉིད།། དཔྱད་པས་མཐའ་ལ་མི་སྐྱོལ་ཏེ།། འཛིན་མེད་རྣམ་པ་བརྒྱད་ལ་ཐུག། རྫོགས
iiif viewer powered by OpenSeadragon
