| e-texts navigator |
| Wylie |
335a1 མགྲིན་པ་ཡེ་ནས་ཡངས།། ཝ་སྤྲེ་སེང་སྐད་འདོན་དུས་མགྲིན་པ་ཡེ་ནས་དོག། རྫོགས་ཆེན་རང་སྐད་འདོན་པས་རང་རིག་ཡེ་ཤེས་སྟོན་པར་བྱེད།། འོག་མས་རང་རིག་བསྟན་དུ་ལྟ་བ་ཡེ་ནས
335a2 དམའ།། རྫོགས་པ་ཆེན་པོའི་དོན་མཐའ་ནི།། མཐའ་ཐུག་རིག་པ་ཉིད་དུ་བསྟན།། དེ་ཡང་བསྟན་པ་འདི་ལྟ་སྟེ།། འོད་སྣང་རིག་པའི་དངོས་པོ་དེ།། ཡེ་ཤེས་ལུ་གུ་རྒྱུད་དུ་གནས།། དཔེར་ན་འདབ་ཆགས་འཕུར་སྐྱེན
335a3 བཞིན།། སྐད་ཅིག་ཙམ་ལ་ཀུན་ཏུ་རྒྱུ།། དེ་ལ་རྩི་ཡིས་ཐེབས་གྱུར་ན།། རི་དྭགས་མགྱོགས་པ་ཙམ་དུ་འགྱུར།། དེ་ནས་དོན་ལ་མ་ཡེངས་ན།། བུང་བ་བཅུད་ལ་འཁོར་བ་ཙམ།། དེ་ནས་རང་སྣང་བལྟས་གྱུར
335a4 ན།། དཔེར་ན་སྨིག་རྒྱུ་ལྟ་བུར་འགྱུར།། དེ་ནས་དོན་ལ་མ་ཡེངས་ན།། འགུལ་ལམ་འཕྲིག་པ་ཙམ་དུ་གྱུར།། དེ་ཡི་དོན་ལ་མ་ཡེངས་ན།། ལྟེམ་བཞིན་པ་དང་མེར་བར་འགྱུར།། དེ་ནས་ཤིན་ཏུ་བལྟས་གྱུར་ན།། འགྲོ།
335a5 འོད་མ་ཡིན་འོད་སྣང་མཐོང་།། དེ་ཡི་དོན་ལ་བརྟས་གྱུར་ན།། ཐིག་ལེ་སྟོང་པའི་སྒྲོན་མ་མཐོང་།། དེ་ལ་ཡང་དག་བལྟས་གྱུར་ན།། ཐིག་ལེ་སྐུ་དང་བཅས་པ་མཐོང་།། དེ་ཉིད་ལ་ཡང་མ་ཡེངས་ན།། འཁྲུལ་སྣང་ལོངས
335a6 སྐུར་མཐོང་བའོ།། སྐུ་ཡི་སྣང་བ་དེ་རྣམས་ཀུན།། སྒྱུ་མ་འཇའ་ཚོན་ཇི་བཞིན་ནོ།། དེ་ལ་རབ་ཏུ་བརྟན་གྱུར་ནས།། ཉིན་མོ་མཚན་མོ་མེད་པ་ནི།། དཔེར་ན་ཅེ་སྤྱང་མོ་ཡི་མིག། ཉིན་དང་མཚན་མོ་མེད་པ་ལྟར།། རང
iiif viewer powered by OpenSeadragon
