| e-texts navigator |
| Wylie |
334b1 སྟོབས་དང་ལྡན་པར་འགྱུར། ཡེ་ཤེས་ཆགས་པ་མེད་པའི་ཕྱིར།། ལྷ་ཐིག་ལེ་འགུལ་འཕྲིག་མེད་པ། ཚོགས་བཙོན་དུ་བཟུང་བྱས་ན།། དངོས་གྲུབ་ཐམས་ཅད་ཉེ་བར་འགྱུར།། རིག་པ་ཀུན་ཏུ་ཡས་པའི་ཕྱིར།། སྙིང་པོའི
334b2 རྒྱུན་ཐག་བཅད་བྱས་ན།། བསྐྱེད་རིམ་ཐམས་ཅད་གསལ་བར་འགྱུར།། རིག་པ་རྩོལ་བསྒྲུབ་བྲལ་བའི་ཕྱིར།། ཚོགས་ལ་བསག་ཏུ་མེད་པས་ན།། སྦྱིན་པ་ཐམས་ཅད་རྫོགས་པར་འགྱུར།། རང་རིག་བཏང་བཞག
334b3 བྲལ་བའི་ཕྱིར།། ཐབས་གཟུང་འཛིན། དང་ཤེས་རབ་ཡ་ཕྲལ་ན།། རང་དོན་ཐམས་ཅད་རྙེད་པར་འགྱུར།། རིག་པ་གཅེར་བུར་ཡོད་པའི་ཕྱིར།། རྒྱུ་འབྲས་མ་རིག་པ་ལས་མགོ་འཇུག་ལྡོག་པས་ན།། སྐྱེ་བ་མེད་པ་ཐོབ
334b4 པར་འགྱུར།། རྒྱུ་ཡིས་བསྐྱེད་དུ་མེད་པའི་ཕྱིར།། ཀུན་གཞི་རྩད་ནས་བཅད་པ་ན།། མངོན་སངས་རྒྱས་པར་འགྱུར་བ་ཡིན།། ཆོས་སྐུ་གདོད་ནས་དག་པའི་ཕྱིར།། གསད་གཅད་ལས་རྣམས་བྱས་པས་ན།། དགེ
334b5 བ་ཐམས་ཅད་འཕེལ་བར་འགྱུར།། རིག་པ་སྲོག་དང་བྲལ་བའི་ཕྱིར།། རང་སྣང་ཡེ་ཤེས་རྟོགས་ལུགས་དེ་བཞིན་ནོ།། ཨེ་མ་ཧོ།། སྣང་བའི་ཡེ་ཤེས་གསལ་བ་ཆེ།། རྟོག་བྲལ་ཡེ་ཤེས་ཕྱོགས་དང་བྲལ།། རྫོགས་ཆེན
334b6 གསང་བའི་ཡེ་ཤེས་ནི།། ཀུན་གྱི་རྩེ་མོར་གྱུར་པའོ།། རྫོགས་ཆེན་བལྟ་བའི་དཔེར་མཚོན་ནི།། ཁྱུང་ཆེན་མཁའ་ལ་ལྡིངས་དང་མཚུངས།། ཐེག་པའི་རང་སྐད་གྲངས་མང་ཡང་།། དཔེར་ན་སེང་གེ་ཝ་སྐད་འདོན་དུས
iiif viewer powered by OpenSeadragon
