| e-texts navigator |
| Wylie |
333b1 སྟེ་བདུན་པའོ།། །། དེ་ནས་ཀུན་རིག་ཆོས་ཀྱི་རྗེས་བཅོམ་ལྡན་འདས་དཔལ་ཀུན་ཏུ་བཟང་པོ་སེང་གེ་རྩལ་རྫོགས་དེ་ལ་འདི་སྐད་ཅེས་ཞུས་སོ།། ཨེ་མ་སྟོན་པ་ཀུན་ཏུ་བཟང་།། རང་སྣང་རྟོགས་པའི་རིག་པ
333b2 ལ།། ལྟ་བ་རྨད་བྱུང་གསུང་དུ་གསོལ།། དེ་ནས་ཀུན་བཟང་སེང་གེ་དེས།། རབ་ཏུ་བཞུགས་ནས་བཀའ་སྩལ་པ།། ཨེ་མ་ཧོ་རྟོགས་ལྡན་སངས་རྒྱས་ཉོན།། བལྟ་བའི་དོན་ལ་བསམ་ཡས་ཀྱང་།། ང་ཡིས་དོན་བསྡུས
333b3 ཁྱེད་ལ་བསྟན་པར་བྱ།། སྣང་བའི་ཡེ་ཤེས་ངོས་བཟུང་གིས།། རིག་པ་རྫོགས་ཆེན་ལྟ་བ་བསྟན།། ལེགས་པར་ཡང་དག་ཉིད་དུ་ཉོན།། ཨེ་མ་ཧོ།། རྫོགས་ཆེན་རིག་པའི་རང་སྐད་ནི།། སྣང་དང་སྟོང་པའི་ཡུལ་ལས
333b4 འདས།། སེམས་དང་ཡིད་དང་ཆོས་ལས་འདས།། ཡིན་དང་མིན་པ་གཉིས་ལས་འདས།། བཟང་དང་ངན་པའི་ལྟ་བ་མེད།། བསྒོམས་དང་མ་བསྒོམས་གཉིས་སུ་མེད།། རྫོགས་ཆེན་རང་གནས་རིག་པ་ལ།། དགེ་དང
333b5 མི་དགེ་གཉིས་སུ་མེད།། རང་རིག་རྟོག་དང་བྲལ་བའི་ཕྱིར། ཁམས་ཀུན་ཏུ་རྟོག་པའི་གསུམ་སེམས་ཅན་ཐམས་ཅད་རྣམས།། ཤིན་ཏུ་མཚོན་ཆ་རྣོ་བ་ཡིས།། ཐམས་ཅད་བསད་ན་དངོས་གྲུབ་འབྱུང་།། ཐུགས
333b6 རྗེས་ཐམས་ཅད་སྒྲོལ་བའི་ཕྱིར།། རང་གི་རྡོ་རྗེ་སློབ་དཔོན་ཉིད།། བསྒྲལ་ནས་རྒྱ་མཚོར་བསྒྱུར་བྱས་ན།། སྣང་སྲིད་ཆོས་རྣམས་ཤེས་པར་འགྱུར།། རང་རིག་ཡེ་ཤེས་ཡོད་པའི་ཕྱིར།། རྟག་ཏུ་འགྲོགས་པའི་རླུང་སེམས
iiif viewer powered by OpenSeadragon
