| e-texts navigator |
| Wylie |
333a1 བསྟན།། གསང་སྔགས་གསང་བའི་ངེས་དོན་ནི།། རིགས་དང་ལྡན་པའི་སེམས་ཅན་ལ།། བསྣན་ཕྲི་མེད་པར་བསྟན་པར་བྱ།། སེམས་དཔའི་སྐུ་དང་གཙོ་བོའི་སྐུ། ཁྱད་མེད་གཅིག་ཏུ་རྟོགས་པ
333a2 ཡིས།། གསང་སྔགས་ཐེག་པའི་དོན་རྟོགས་པའོ།། སྒྲ་དང་ཐ་སྙད་མིང་ཉིད་ཀྱང་།། ངོ་བོ་སྣང་བ་མ་ཡིན་པས།། དྲི་མའི་སྣང་བ་བྲལ་བའོ།། རང་རིག་དཀྱིལ་འཁོར་རྫོགས་པར་བཤད།། དམ་ཚིག་ཉིད་ཀྱི་ངོ་བོ
333a3 དང་།། ངེས་ཚིག་དབྱེ་བ་རབ་ཏུ་གསུངས།། དེ་ཡང་བསྟན་པ་འདི་ལྟ་སྟེ།། ངོ་བོ་སྲུང་བར་བྱེད་པ་ཡིན།། ངེས་ཚིག་མ་བསྲུངས་འཚིག་པར་བསྟན།། དབྱེ་བ་བསམ་གྱིས་མི་ཁྱབ་བོ།། བསྡུ་བ་དང་ནི་རྒྱས་པའོ།། རྣམ
333a4 གྲངས་མེད་ལས་རྣམ་གྲངས་བྱུང་།། རྣམ་གྲངས་བྱུང་བས་རྣམ་གྲངས་མེད།། བརྗོད་པ་ཀུན་དང་བྲལ་བའི་ཕྱིར།། དམ་ཚིག་མཉམ་པ་ཉིད་དུ་གྲགས།། རང་བྱུང་རྟོགས་པའི་དམ་ཚིག་ནི།། གཉིས་དང་གསུམ་དུ
333a5 བགྲང་དུ་མེད།། ཐ་སྙད་དུ་མ་མེད་པར་བཤད།། གཅིག་གི་དོན་ཉིད་རྟོགས་པ་ན།། ཐམས་ཅད་ངོ་བོ་རྟོགས་པར་བཤད།། གསང་སྔགས་ཐབས་ལ་རབ་མཁས་པས།། ཡང་དག་ཉིད་དུ་དམ་ཚིག་མེད།། ཆོས་དང
333a6 ཆོས་མིན་གཉིས་དང་བྲལ།། དེ་ཡང་བསྲུང་བར་བྱེད་པ་མེད།། སངས་རྒྱས་རྣམས་ཀྱི་དམ་ཚིག་ནི།། དོན་དམ་ཉིད་ལ་མེད་པའོ།། ཞེས་སེང་གེ་རྩལ་རྫོགས་ཆེན་པོའི་རྒྱུད་ལས། སེང་གེའི་དམ་ཚིག་བསྟན་པའི་ལེའུ
iiif viewer powered by OpenSeadragon
