| e-texts navigator |
| Wylie |
332b1 དང་ནི་བསྲུང་བྱ་མེད།། སྣང་དང་མི་སྣང་དམ་ཚིག་མེད།། རང་རིག་རྫོགས་ཆེན་ངོ་བོ་ལ།། དམ་ཚིག་ལུང་དུ་བསྟན་པ་མེད།། དེ་ཡང་བསྟན་པ་འདི་ལྟ་སྟེ།། ཤེས་རབ་ཆེན་པོའི་སྤྱོད་ཡུལ་ནི།། མེད་པ་ཉིད་ལ་མེད
332b2 པར་སྤྱོད།། གཅིག་པུ་ཉིད་ལ་གཅིག་པུར་སྤྱོད།། ཕྱལ་པ་ཉིད་ལ་ཕྱལ་པ་ཡིས།། ལྷུན་གྲུབ་ཉིད་ལ་ལྷུན་གྲུབ་གཏེར།། དམ་ཚིག་དམ་ཚིག་ཅེས་བྱ་བ།། གུད་ན་ཡོད་པ་མ་ཡིན་ཏེ།། རང་རིག་སྣང་བའི་དོན་རྟོགས
332b3 ན།། དམ་ཚིག་རྒྱལ་པོ་ཞེས་བྱའོ།། སངས་རྒྱས་སྐུ་ལ་དམ་ཚིག་མེད།། སེམས་ཅན་དུས་ན་སྐྱོན་ཡོན་བྱུང་།། ཡང་དག་རིག་པའི་དོན་རྟོགས་ན།། ཉམས་དང་མ་ཉམས་གཉིས་ལས་འདས།། བསྲུངས་དང་མ་བསྲུངས
332b4 ཕྱོགས་དང་བྲལ།། གསང་སྔགས་གསང་བའི་དོན་རྟོགས་ན།། ཡེ་ཤེས་ངོ་བོ་སྐྱེ་བར་འགྱུར།། བསྲུང་བྱ་དང་ནི་སྲུང་བྱེད་མེད།། སངས་རྒྱས་རྣམས་ཀྱི་ཡེ་ཤེས་སྐུ།། སྣང་འདོད་རྩོལ་མེད་གཉིས་སུ་མེད།། ཡང་དག
332b5 ཕྱག་རྒྱ་ཆེན་པོའི་དོན།། སྣང་དང་མི་སྣང་གཉིས་སུ་མེད།། རྒྱུ་དང་རྐྱེན་དུ་མེད་པ་ལ།། བྱས་པ་བྱུང་བ་མ་ཡིན་ཏེ།། རང་གི་སྣང་བ་རང་སྣང་ངོ་།། རིག་པའི་ཡེ་ཤེས་སྐུ་ལ་ཡང་།། སྣང་བའི་ཡེ་ཤེས་ཡུལ་དུ་བྱུང་།། དེ
332b6 གཉིས་མཐོང་དུས་འཛོམ་པས་ན།། དམ་ཚིག་ཅེས་ཀྱང་དེ་ལ་བྱ།། རིག་དང་མ་རིག་གཉིས་པོ་ཡང་།། རང་གི་སྣང་བའི་ཁྱད་པར་རོ།། རྟོགས་དང་མ་རྟོགས་གཉིས་པོ་ཡང་།། དག་དང་མ་དག་ཁྱད་ཀྱིས
iiif viewer powered by OpenSeadragon
