| e-texts navigator |
| Wylie |
332a1 དཀྱིལ་འཁོར་ཡིན་པས་ན།། རང་རིག་སྣང་བ་མཐོང་བར་འགྱུར།། སེམས་ཅན་ཀུན་གྱི་ཕྲག་དོག་ནི།། ང་དང་བདག་མེད་དོན་རྟོགས་ན།། དོག་དང་ཡངས་པའི་བལྟ་བ་མེད།། བདེ་བའི་ཡེ་ཤེས་རང
332a2 ལ་གྲུབ།། ཕྲད་དོག་དངོས་པོ་མ་ཤེས་ན།། ང་དང་བདག་ཏུ་འཛིན་གྱུར་པས།། ལྷ་མ་ཡིན་གྱི་གནས་སུ་སྐྱེ།། དེ་ནས་ཡི་དྭགས་སྡུག་བསྔལ་མྱོང་།། གལ་ཏེ་མི་ལུས་རྙེད་གྱུར་ན།། ཤིན་ཏུ་མི་བདེ་དོགས་པར
332a3 འགྱུར།། གཞན་ཡང་ལོངས་སྤྱོད་ཐམས་ཅད་ལ།། རང་དབང་མ་ཡིན་གཞན་དབང་འགྱུར།། མདོར་ན་ཡེ་ཤེས་རྩ་བ་སྟོར།། ཕྲག་དོག་ཉིད་ཀྱི་དོན་མཐོང་ན།། ཡངས་དང་དོག་པར་མི་འཛིན་པས།། སྣང་བའི་ཡེ་ཤེས
332a4 ཆེན་པོ་ལ།། ཕྱིན་ཅི་ལོག་དང་མ་ལོག་མེད།། སངས་རྒྱས་རྣམས་ཀྱི་རང་རིག་སྤྱན།། དུག་ལྔ་ཉིད་ལ་བཙལ་བར་བྱ།། གཞན་ཡང་དམ་ཚིག་སྡོམ་པ་ནི།། གང་དག་བསྲུང་བའི་རིགས་དང་ནི།། རབ་ཏུ་གནས་པ་ཁོ
332a5 ནའོ།། གསང་སྔགས་རྫོགས་ཆེན་ཨ་ཏིའི་དོན།། འོག་མ་རྣམས་ལ་སྒྲ་མི་བྱ།། རྡོ་རྗེ་སློབ་དཔོན་དཔའ་བོ་ཡིས།། ལུང་ཉིད་མ་ཐོབ་པར་དུ་ཡང་།། རྡོ་རྗེ་ལྕེ་ཡི་ཚུལ་ཡོད་ཀྱང་།། གསང་བ་གཞན་ལ་བསྟན་མི་བྱ།། འོག
332a6 མའི་རིགས་ལ་དབང་མ་ཐོབ།། ལས་འཕྲོ་ངན་པར་གྱུར་པ་ལ།། གསང་བ་ཆེན་པོའི་དོན་མི་བཤད།། དེ་ནི་དམ་ཚིག་རྣམ་གྲངས་ཡིན།། རིག་པའི་སྐུ་ལ་དམ་ཚིག་མེད།། སྲུང་དང་བསྲུང་བར་བྱ་བ་མེད།། སྲུང་བྱེད
iiif viewer powered by OpenSeadragon
