| e-texts navigator |
| Wylie |
331b1 དང་ཟས་ཀྱིས་བསྒྲིབ་འགྱུར་ཏེ།། ཡི་དྭགས་སྡུག་བསྔལ་གནས་སུ་འགྲོ།། སྐོམ་དང་བཀྲེས་པའི་སྡུག་བསྔལ་འགྱུར།། རྣག་ཁྲག་ངན་སྐྱུགས་དག་མཐོང་ནས།། དེ་ཡང་སྤྱོད་པའི་དབང་མེད་ཅིང་།། རྩུབ་ཅིང་སྡུག་པས
331b2 ཕུང་བར་འགྱུར།། དེ་ལ་སོགས་པའི་ཉོན་མོངས་ལྔ།། སྡུག་བསྔལ་ལམ་གནས་མྱོང་བར་འགྱུར།། ཨེ་མ་བསྲུང་བའི་ཡོན་ཏན་འདི་ལྟ་སྟེ།། ཉོན་མོངས་དུག་ལྔ་ཡེ་ཤེས་ཏེ།། དེ་ཡང་བསྟན་པ་འདི་ལྟ་སྟེ།། འཁོར་བའི
331b3 ལམ་ལྔ་སྒོ་བཅད་ཅིང་།། རིག་པའི་ལམ་དུ་འཇུག་པར་བྱེད།། རང་རིག་ངེས་དོན་རྙེད་པར་འགྱུར།། ཡེ་ཤེས་ཕོ་བྲང་རྫོགས་པའོ།། རང་རིག་གསལ་བའི་ངང་དུ་མཉམ།། རིག་པ་རྟོག་མེད་ཞི་བའི་དང་།། གསངས
331b4 དོན་ངེས་པའི་ཏིང་འཛིན་ཐོབ།། རང་རིག་འོད་གསལ་གཏི་མུག་གི། མུན་པར་རབ་ཏུ་མ་རྨུགས་ཤིང་།། སྣང་བའི་ཡུལ་སྣང་དག་ལ་རོལ།། ཆོས་རྣམས་བརྗོད་དང་བྲལ་བའི་ཕྱིར།། སེམས་ཅན་ལུས་ལ་རང་རིག
331b5 སྐུ།། ཤིན་ཏུ་འོད་གསལ་རྣམ་དག་ལམ།། ལུ་གུ་རྒྱུད་ཀྱི་ཚུལ་དུ་གནས།། སེམས་ཅན་ཀུན་གྱི་དུག་ལྔའི་གནས།། རབ་ཏུ་འཇོམས་པར་རྒྱལ་བས་བཤད།། སེམས་ཅན་ཀུན་གྱི་ང་རྒྱལ་ནི།། ཡོན་ཏན་བསྐྱེད་པའི
331b6 མཛོད་ཡིན་ཏེ།། ང་དང་བདག་ཏུ་མི་དམིགས་པས།། སེམས་ཅན་གང་དག་འཁྲུལ་པའི་སེམས།། དེ་ཡང་ང་རྒྱལ་བྱེད་པར་འགྱུར།། དམག་གི་དཔུང་ལ་སོགས་པ་ཡི།། ང་རྒྱལ་ཤིན་ཏུ་རགས་པ་རྣམས།། ཡེ་ཤེས
iiif viewer powered by OpenSeadragon
