| e-texts navigator |
| Wylie |
331a1 འདྲ་ཡང་དག་རྟོགས།། མ་རྟོགས་པ་ཡི་ཕྱོགས་རྣམས་དང་།། སྐྱེ་བོ་ཀུན་ལ་རབ་ཏུ་གསང་།། གསང་ཕྱིར་གདམས་ངག་སྣ་ཚོགས་གསུངས།། གསང་སྔགས་ཐབས་མཁས་སྤྱོད་པར་བསྟན།། གསང
331a2 སྔགས་སྐྱོན་ཡོད་མ་ཡིན་ཏེ།། ཐུགས་རྗེ་ཆེན་པོ་ཐབས་མཁས་པས།། སྣོད་མ་ཡིན་དང་བློ་བརྟུལ་རྣམས།། ལས་འཕྲོ་ངན་པའི་དོན་ཕྱིར་གསང་།། རྫོགས་ཆེན་ཨ་ཏིའི་གསང་དོན་ནི།། བློ་དམན་རྣམས་ལ་བསྒྲགས
331a3 གྱུར་ན།། དཔེར་ན་གཙུབ་ཤིང་མེར་བཅུག་ན།། གཙུབ་ཤིང་ཉིད་ཀྱང་འཚིག་པར་འགྱུར།། གཞན་ཡང་འཚིག་པར་འགྱུར་བ་བཞིན།། གསང་སྔགས་ངེས་དོན་མེ་དང་འདྲ།། སྐལ་བ་ཆུང་ཞིང་ཤེས་རབ་དམན།། བློ
331a4 ངན་རྒྱུ་འབྲས་རྨོངས་པ་རྣམས།། རྫོགས་ཆེན་དོན་ལ་སྐུར་འདེབས་པས།། ངན་སོང་གསུམ་ལ་འཕེན་པར་འགྱུར།། ངེས་དོན་མ་རྟོགས་སྡུག་བསྔལ་མྱོང་།། གསང་བ་འཕེལ་བར་བྱེད་པ་ཡང་།། སྨྲ་བྱེད་ལྕེ་ལ་ཞིང་རྨོ
331a5 སྡུག་བསྔལ་ཆེན་པོ་མྱོང་བར་འགྱུར།། དེ་ཕྱིར་ངེས་པའི་དོན་འདི་གསང་།། རླུང་ཕྱོགས་ཙམ་དུའང་བརྗོད་མི་བྱ།། ཡུན་རིང་རྟག་ཏུ་མི་ཐར་བའི།། སྡུག་བསྔལ་ཤིན་ཏུ་ཉམ་ཐག་མྱོང་།། གྲུབ་པ་གཅིག་བཞིན
331a6 ལྷན་ཅིག་སྤྱོད།། འདི་ལ་གནས་པར་མ་བྱས་ན།། དུག་ལྔའི་ཉོན་མོངས་དགྲ་ལྡང་བས།། འཁོར་བའི་གནས་ལས་ཐར་སྐབས་མེད།། དེ་ཡང་བསྟན་པ་འདི་ལྟ་སྟེ།། ཉོན་མོངས་སྡུག་བསྔལ་འདོད་ཆགས་ནི།། ལུས
iiif viewer powered by OpenSeadragon
