| e-texts navigator |
| Wylie |
330b1 དག་ལ་སྨོད་པ་ནི།། དཔེར་ན་མུན་ཁུང་སྒྲོན་བསད་ན།། མཐོང་བའི་དོན་བྱེད་མེད་པ་བཞིན།། སྡུག་བསྔལ་ཉམ་ཐག་ཡུན་རིང་གནས།། བསྐལ་པ་མང་པོར་མྱོང་བར་འགྱུར།། དེ་བས་རྟག་ཏུ་གུས་པར་མཛོད།། རང
330b2 རིག་སྐྱེད་པའི་སློབ་དཔོན་ལ།། ཤིན་ཏུ་གཙོ་བས་བླང་བར་བྱ།། ལུས་སེམས་སྐྱེད་པའི་ཕ་མ་ལ།། རྟག་ཏུ་རིམ་གྲོ་རྒྱུན་མི་གཅད།། རྡོ་རྗེ་མཆེད་དང་ལྕམ་དྲལ་ནི།། བླ་མེད་བྱང་ཆུབ་འགྲོགས་པའི་སྤྱན།། ཆོས་ཉིད
330b3 དམ་ཚིག་སྨོན་ལམ་མཐུས།། རྡོ་རྗེའི་དམ་ཚིག་ལུ་གུ་རྒྱུད།། རྟག་ཏུ་དེ་དང་མི་འབྲལ་བར།། དེ་ལས་ལྡོག་ཅིང་འཁུ་བ་ནི།། རང་ལ་རང་གིས་མཚོན་བཏབ་ནས།། རང་སྲོག་ཚེ་རབས་ལྔ་བརྒྱའི་བར།། རང་གིས་གཅོད
330b4 ཅིང་ཕུང་བར་འགྱུར།། ཚེ་འདིར་མི་བདེ་སྣ་ཚོགས་ལ།། མི་འདོད་བཞིན་དུ་འབྱུང་བར་འགྱུར།། འཇིག་རྟེན་ཕ་རོལ་དག་ཏུ་ཡང་།། ངན་སོང་གསུམ་དང་མི་ཁོམ་པའི།། སྡུག་བསྔལ་ཁ་བརྒྱད་མྱོང་བར་འགྱུར།། ཡུན།
330b5 རིང་དག་ཏུ་མི་ཐར་རོ།། ཤིན་ཏུ་ཉམ་ཟག་མྱོང་བར་འགྱུར།། གྲུབ་པ་གཅིག་བཞིན་ལྷན་ཅིག་སྤྱོད།། གཉིས་མེད་སྤྱོད་དང་རྗེས་སྤྱོད་སྤུན།། བདེ་གཤེགས་དཀྱིལ་འཁོར་བླ་མེད་ཡིན།། ཤེས་རབ་གསལ་བས་རྟག་ཏུ
330b6 གདུང་།། གསང་བའི་ཐེག་པ་སྤེལ་མི་བྱ།། སྐུ་གསུང་ཐུགས་ཀྱི་དམ་ཚིག་རྣམས།། རྣལ་འབྱོར་དབྱིངས་རིག་ལྡན་པ་ཡིས།། དབྱིངས་དང་རིག་པ་ལྟར་རྟོགས་ནས།། ཉམས་པའི་སྤྱོད་པ་ལས་འདས་ཏེ།། ཕལ་དང་མི
iiif viewer powered by OpenSeadragon
