| e-texts navigator |
| Wylie |
330a1 ན།། ཉམས་ཏེ་གོལ་སྒྲིབ་ལྟུང་བར་འགྱུར།། ཆོས་སྐུ་རང་སྣང་མ་ཤེས་ཤིང་།། འཛིན་པའི་ཕྱོགས་ལ་བརྟེན་པ་ནི།། ཉམས་ཏེ་རང་སྣང་དོན་མི་རྟོགས།། སྣང་བ་ཡུལ་གྱི་དམ་ཚིག་གོ། རྟོགས་བྱེད་ལྷ
330a2 བའི་དམ་ཚིག་ནི།། རང་རིག་ཆོས་སྐུར་མ་རྟོགས་ན།། གཞན་འབྱུང་ཕྱོགས་སུ་ལྟུང་བར་འགྱུར།། སྣང་བ་རང་དུ་མ་ཤེས་ན།། སྤྱོད་པའི་ཕྱོགས་སུ་ལྟུང་བར་འགྱུར།། རྣམ་དག་ངོ་བོར་མ་ཤེས་ན།། ཡིན་མིན་ཕྱོགས་སུ
330a3 ལྷུང་བར་འགྱུར།། རྟོགས་བྱེད་ལྟ་བའི་དམ་ཚིག་གོ། སྤྱོད་རྒྱུ་ངེས་པའི་དམ་ཚིག་ནི།། རང་བྱུང་ཉིད་ཀྱི་སྣང་བ་ལ།། ཡེ་ཤེས་རོལ་བ་མ་འགགས་པས།། སྣང་བའི་སྤྱད་རྒྱུ་ངེས་པར་བཤད།། སེམས་ཀྱི་སྣང་བ་འགག།
330a4 མེད་པ།། མཚན་མའི་སྤྱད་རྒྱུ་ངེས་པར་བཤད།། རང་རིག་བཅོས་པ་མེད་པ་ནི།། དོན་དམ་སྤྲད་རྒྱུ་ངེས་པ་ཡིན།། མཚན་མའི་ཀློང་ན་རིག་གསལ་བ།། ཡང་དག་སྤྱད་རྒྱུ་ངེས་པ་ཡིན།། སྣང་བའི་ཕྱོགས་ཀྱི་སྒྲོན་མ
330a5 ནི།། རྟོགས་པའི་སྤྱད་རྒྱུ་ངེས་པར་བཤད།། དེ་ནི་སྤྱད་རྒྱུ་ངེས་པའོ།། ཨེ་མ་ཧོ།། བསྲུང་མཚམས་བཅས་པའི་དམ་ཚིག་ནི།། མདོ་དོན་ང་ཡིས་བསྟན་པར་བྱ།། དཀོན་མཆོག་གསུམ་ནི་སྤང་མི་བྱ།། དགེ་བཅུ་དག་ནི
330a6 སྤང་མི་བྱ།། རྡོ་རྗེ་སློབ་དཔོན་སྨད་མི་བྱ།། རང་རིག་འདྲེན་པའི་སྟོན་པར་བཤད།། དཔེར་ན་ལོང་བའི་སྣ་ཐག་བཞིན།། ཡེ་ཤེས་གསལ་བའི་ལམ་སྟོན་པའོ།། ཉོན་མོངས་སྡུག་བསྔལ་མཚོ་སྐམ་ཡིན།། སློབ་དཔོན
iiif viewer powered by OpenSeadragon
