| e-texts navigator |
| Wylie |
329b1 བཟང་པོ་ལ།། བདག་གིས་དྲི་བ་རབ་ཏུ་བྱ། ཁྱེད་ཀྱིས་ཉེ་བར་ཡིད་ལ་ཟུང་།། དེ་ནས་རིགས་ཀྱི་སངས་རྒྱས་རྣམས་ཀྱིས།། ཀུན་རིག་གསང་བའི་ཆོས་རྗེ་ལ།། དེ་ལྟར་བགྱིའོ་བཅོམ་ལྡན་འདས།། ཞེས་བརྗོད་རང
329b2 རང་སྟན་ལས་ལངས།། དེ་ནས་ཀུན་རིག་ཆོས་ཀྱི་རྗེས།། སྟོན་པ་ཀུན་བཟང་སེང་གེ་ལ།། ཞུ་བའི་ཡེ་ཤེས་རབ་ཏུ་ཞུས།། དེ་ནས་ཀུན་བཟང་སེང་གེ་ཡིས།། ཆོས་ཀྱི་རྗེ་ལ་བཀའ་སྩལ་པ།། ཨེ་མ་རིགས་ཀྱི་བུ་ཁྱོད
329b3 ཉོན།། ང་ཡིས་དོན་གྱི་དམ་ཚིག་བསྟན།། དེ་ཡང་བཤད་པ་འདི་ལྟ་སྟེ།། སྣང་བ་ཡུལ་གྱི་དམ་ཚིག་དང་།། རྟོགས་བྱེད་ལྟ་བའི་དམ་ཚིག་དང་།། སྤྱོད་རྒྱུ་ངེས་པའི་དམ་ཚིག་དང་།། བསྲུང་མཚམས་བཅས་པའི་དམ
329b4 ཚིག་གོ། ཨེ་མ་སྣང་བ་ཡུལ་གྱི་དམ་ཚིག་ནི།། ཡུལ་གྱི་སྣང་བ་ཇི་སྙེད་པ།། ཐམས་ཅད་ཡེ་ཤེས་རོལ་པ་ལས།། འདས་ན་རང་རིག་མི་རྟོག་པས།། ཉམས་ན་གོལ་སྒྲིབ་ལྟུང་བར་འགྱུར།། ཕྱི་ཡི་མཚན་ཉིད་ཇི་སྙེད
329b5 པ།། རང་གི་འདུ་འཕྲོར་མ་ཤེས་ཏེ།། སྣ་ཚོགས་ཞེན་པར་གྱུར་པ་ནི།། ཉམས་ཏེ་ཡེ་ཤེས་དོན་མི་རྟོགས།། ནང་གི་སེམས་རྟོག་ཇི་སྙེད་པ།། རང་གི་ཡུལ་དུ་མ་ཤེས་ན།། ཉམས་ཏེ་འཁོར་བའི་ཁ་མཐར་བརྒྱུད།། གཟུང
329b6 དང་འཛིན་པའི་བསམ་པ་རྣམས།། རང་བྱུང་ཆེན་པོར་མ་ཤེས་ན།། སྣ་ཚོགས་མཚན་མའི་རྒྱུ་གསོག་པས།། ཉམས་ཏེ་དམིགས་པ་ཅན་དུ་འགྱུར།། ཐེག་པ་མཐོ་དམན་དོན་བརྗོད་རྣམས།། རང་རིག་ལྟ་བས་མ་ཟིན
iiif viewer powered by OpenSeadragon
