| e-texts navigator |
| Wylie |
329a1 གསུམ་སྟོང་གི་འཇིག་རྟེན་ན།། སྐུ་གསུང་ཐུགས་ཀྱི་རོལ་པ་རྣམས།། རྟོག་མེད་དག་ཏུ་རྟོགས་པ་དང་།། སེམས་ཀྱི་རྣམ་རྟོག་ཅི་སྙེད་པ།། ཡང་དག་ཉིད་དུ་རྟོགས་པ་དང་།། ཡེ་ནས་རང་བཞིན་འོད
329a2 གསལ་བས།། སྣང་བ་སྒྲོན་མར་རྟོགས་པའོ།། དེ་ནི་ཡོངས་རྫོགས་དག་ཏུ་བསྟན།། ཀྱེ་མ་ཡེ་ཤེས་རྒྱ་མཚོ་ལ།། ངང་གིས་གཡོས་པ་མེད་པར་བསྟན།། ཡེ་ནས་ལྷུན་རྫོགས་ཆོས་སྐུ་ལ།། སྣང་བའི་རང་རྐྱེན་ངོས་བཟུང
329a3 བས།། ཤེས་རབ་ལྔ་ཡིས་མཆོད་ན།། མིན་པ་དྲུག་གི་སྤྱོད་ཡུལ་ལོ།། སྣང་བའི་རང་རྐྱེན་ཆོས་ཀྱི་སྐུ།། འབྱུང་བ་ལྔ་ཡི་དུག་རོ་རྣམས།། རང་གདངས་ལྔ་ཡི་སྣང་བའོ།། སེམས་དང་བག་ཆགས་སྣང་བ་ཡང་།། ཡིན
329a4 མིན་གཉིས་ཀྱི་མཐའ་ལས་འདས།། ཆོས་ཀྱི་སྐུ་ཡི་སྣང་བ་ནི།། འགྱུར་བ་མེད་པའི་དབང་དུ་བཤད།། ཡང་དག་ཉིད་ཀྱི་སྤྱོད་པ་ནི།། མ་འགགས་ཞེན་མེད་དབང་དུ་བཤད།། ཡེ་ནས་ལྷུན་རྫོགས་ཆོས་སྐུ་ནི།། བག།
329a5 ཆགས་བྲལ་བའི་དབང་དུ་བཤད།། འཁྲུལ་སྣང་ཟད་པའི་ཡེ་ཤེས་ནི།། རང་དབང་ཐོབ་པའི་དབང་དུ་བཤད།། དེས་ནི་དབང་གི་ཡེ་ཤེས་བསྟན།། སྣང་བ་ཉིད་ལ་མི་གནས་པའོ།། ཞེས་སེང་གེ་རྩལ་རྫོགས་ཆེན་པོའི
329a6 རྒྱུད་ལས། སེང་གེ་རང་དབང་ཐོབ་པའི་ལེའུ་སྟེ་དྲུག་པའོ།། །། དེ་ནས་ཀུན་རིག་ཆོས་ཀྱི་རྗེས་བཀའ་སྩལ་པ།། རིགས་ཀྱི་སངས་རྒྱས་རྣམ་ལྔ་ཉོན།། གསང་བའི་རིགས་ཀྱི་དམ་ཚིག་རྣམས།། སྟོན་པ་ཀུན་ཏུ
iiif viewer powered by OpenSeadragon
