| e-texts navigator |
| Wylie |
328b1 གསལ་བ་དང་།། རིག་པའི་ངང་དུ་འབྱུང་བ་རྫོགས།། སྣང་བའི་ཡེ་ཤེས་ཡུལ་དང་འཕྲད་གྱུར་ནས།། རང་སྣང་མཁའ་ལ་གསལ་བའོ།། བསྐུར་བའི་དུས་ན་རྫོགས་པ་ནི།། རང་གི་རིག་པའི་ཡེ་ཤེས་ཉིད།། གདམས
328b2 ངག་དོན་གྱིས་བཀྲོལ་གྱུར་ན།། རང་གི་སྒྲོན་མ་མཐོང་བ་དང་།། ཡེ་ཤེས་སྣང་བ་ཤར་བ་ནི།། དག་པ་ཕྱོགས་གཅིག་དབང་བསྐུར་རྫོགས།། ངོས་གཟུང་བྲལ་བའི་དཀྱིལ་འཁོར་ཉིད།། རང་རིག་ལུས་ལ་རྫོགས་པ
328b3 ནི།། དུས་དུས་ཚོད་མཚན་མ་ཡང་བྱུང་ཉིད་མཚོན་པའི་ཡེ་ཤེས་རྫོགས།། ཡེ་ཤེས་རྒྱ་ཆད་མེད་པ་ཉིད།། སྣ་ཚོགས་དོན་དུ་ཤར་བ་ནི།། རྟོག་མེད་ཤེས་རབ་རྫོགས་ལུགས་སོ།། འཁྲུལ་པ་སྣ་ཚོགས་རྫོགས་ལུགས
328b4 ནི།། དྲུག་ལས་བྱུང་བའི་མུན་པ་གསུམ།། དེ་ལས་མུན་པ་ལྔའམ་དྲུག། དེ་བཞིན་མུན་པ་ཆོས་ཉིད་ཀྱི།། སྣང་བ་གཅིག་ལས་བྱུང་བའོ།། སྣང་བ་ལྔ་ཡིས་ངོ་བོར་བསྒྲིབས།། རང་སྣང་རྫོགས་པས་མུན་པ་སངས།། དེ
328b5 བཞིན་བསྐུར་བའི་དུས་ན་ཡོངས་སུ་རྫོགས།། རང་རིག་ཡེ་ནས་ཡོངས་རྫོགས་ནི།། རིག་པ་རྟོག་མེད་སྣང་བ་ཉིད།། ཡེ་ནས་ཀུན་ལ་གནས་པས་ན།། དེ་ལས་བཅོམ་ཤིང་བསྒོམ་མེད་པས།། རང་སྣང་བཞི་རྫོགས
328b6 དབང་དུ་བཤད།། རང་སྣང་དཀྱིལ་འཁོར་དབང་མཆོག་ནི།། ཡེ་ཤེས་ཐབས་ལ་སྣ་ཚོགས་རོལ།། རང་རིག་ཡེ་ནས་ཡོངས་རྫོགས་སོ།། རྟོགས་པའི་དུས་ན་ཡོངས་རྫོགས་ནི།། སྣང་བ་ཆོས་སྐུར་རྟོགས་པ་དང་།། སྟོང
iiif viewer powered by OpenSeadragon
