| e-texts navigator |
| Wylie |
328a1 རྟོགས་བྱེད་རྩ་བ་ནི།། སྟོང་ཉིད་གསལ་བའི་ངང་དུ་བསྐུར།། སེམས་ཉིད་རིག་པའི་དབང་བསྐུར་ནི།། སྣ་ཚོགས་རིག་པའི་ངོ་བོ་རྣམས།། སྤྲུལ་པ་ཉིད་དུ་དབང་བསྐུར་རོ།། རྣམ་རྟོག་དཔྱོད་པར་བྱེད་པ
328a2 ཡང་།། མཉམ་ལ་མ་འདྲེས་དབང་བསྐུར་བྱ།། སྣ་དགུའི་བཞེད་གཞུང་སྣ་ཚོགས་རྣམས།། ཐེག་ཆེན་གསང་བར་དབང་བསྐུར་བྱ།། རིག་པ་ཆོས་ཉིད་དབང་བསྐུར་ནི།། བློ་དང་དངོས་པོའི་སྣང་བ་རྣམས།། སྟོང་པ
328a3 ཉིད་དུ་བསྐུར་བར་བྱ།། བཏགས་པ་གཉིས་ཀྱི་ཆོས་རྣམས་ཀུན།། གཏང་གཞག་མེད་པར་དབང་བསྐུར་བྱ།། ཡེ་ཤེས་ཡུལ་སྣང་ཆེན་པོའི་དབང་།། གཞི་ལ་དེ་བཞིན་གནས་པའོ།། ངོ་བོ་བསྟན་པ་འདི་ལྟ་སྟེ།། རིག
328a4 པའི་ངོ་བོ་རྟོག་མེད་པས།། རང་རིག་གསལ་བའི་ངོ་བོར་འདོད།། སྒྲ་ཚིག་མིང་ལ་མི་གནས་པས།། སྟོང་པ་ཉིད་ཀྱི་ངོ་བོར་འདོད།། བྱ་བྱེད་གཉིས་དང་བྲལ་བའི་ཕྱིར།། འཛིན་ཆགས་བྲལ་བའི་ངོ་བོར་འདོད།། དེ་ནི
328a5 ངོ་པོ་བསྟན་པའོ།། ངེས་ཚིག་བསྟན་པ་འདི་ལྟ་སྟེ།། ཐམས་ཅད་རྫོགས་པས་ཡོངས་རྫོགས་སོ།། དབྱེ་བ་རྣམ་པ་བཞི་ཡིས་བསྟན།། སྣང་བ་ཡུལ་གྱི་ཡོངས་རྫོགས་དང་།། བསྐུར་བའི་དུས་ལ་ཡོངས་རྫོགས
328a6 དང་།། རང་རིག་ཡེ་ཤེས་ཡོངས་རྫོགས་དང་།། རྟོགས་པའི་དུས་ན་ཡོངས་རྫོགས་སོ།། སྣང་བ་ཡུལ་གྱི་ཡོངས་རྫོགས་ནི།། རིག་པ་བྱ་བྱེད་མེད་པ་གཉིས།། སྒྲོན་མ་གཉིས་ཀྱི་སྣང་བ་དང་།། བཅས་ཏེ་མཁའ་ལ
iiif viewer powered by OpenSeadragon
