| e-texts navigator |
| Wylie |
327b1 པས།། བླངས་ཏེ་རང་གིས་བཏུང་བར་བྱ།། དེས་ན་བརྟུལ་ཞུགས་དངོས་གྲུབ་འབྱུང་།། སྣང་བ་དབང་དུ་འདུས་གྱུར་ནས།། ཡེ་ཤེས་དཀྱིལ་འཁོར་མཐོང་བར་འགྱུར།། དེས་ནི་དབང་མཆོག་ཐམས་ཅད་ཐོབ།། མ
327b2 གྲོལ་བ་རྣམས་གྲོལ་བར་འགྱུར།། གཉིས་མེད་འབྱུང་བར་བསྟན་པ་ནི།། ཐབས་དང་ཤེས་རབ་སྒོ་གཉིས་གསལ།། ཤེས་རབ་སེམས་མ་ཡུམ་དང་ནི།། ཐབས་ཀྱི་སེམས་དཔའ་གཉིས་སུ་མེད།། འདི་ཡིས་ཡང་དག
327b3 དོན་ཆེན་འབྱུང་།། མུན་པ་དྲུག་གི་ཕྱོགས་དག་ཀྱང་།། སྣང་བ་ལྔ་ཡིས་རབ་ཏུ་གསལ།། མ་བཅོས་ཡེ་ཤེས་ལས་བྱུང་བས།། དེ་ཕྱིར་གཉིས་མེད་བསྟན་པའོ།། ཨེ་མ་ཧོ།། ཡོངས་སུ་རྫོགས་པའི་དབང་ཆེན་ནི།། རང
327b4 རིག་གཞི་ཡི་གནས་ལུགས་སྟོན།། དེ་ཡང་རབ་ཏུ་བཤད་པ་ནི།། སྣང་བ་སེམས་སུ་དབང་བསྐུར་དང་།། སེམས་ཉིད་རིག་པར་དབང་བསྐུར་དང་།། རིག་པ་ཆོས་ཉིད་དབང་བསྐུར་རོ།། ངོ་བོ་ངེས་ཚིག་དབྱེ་བ
327b5 བསྟན།། སྣང་བ་སེམས་སུ་དབང་བསྐུར་ནི།། ཤིན་ཏུ་རགས་པ་ལྔ་རྣམས་ཀྱང་།། མུན་པ་སེལ་བ་སྣང་བ་སེམས་ལས་ཡང་བྱུང་། ལྔ་རུ་བསྐུར།། མུན་པས་མྱོས་པ་རྣམ་དྲུག་ལ།། བདུད་རྩི་ཐིགས་པའི་དབང་བསྐུར
327b6 བྱ།། ཤིན་ཏུ་གསང་བ་རྣམ་གཉིས་ལ།། བཅོས་མེད་ནམ་མཁའི་ངང་དུ་བསྐུར།། མགྱོགས་པར་བྱེད་པ་རྣམ་བཞི་ཡང་།། དོན་ལ་སྤྱོད་བྱེད་རྣམ་བཞི་ཡིས།། དབང་བསྐུར་དཀྱིལ་འཁོར་རྫོགས་པར་བྱ།། སྣང་བ
iiif viewer powered by OpenSeadragon
