| e-texts navigator |
| Wylie |
327a1 འཇུག་པའི་ཚེ།། ཤེས་རབ་ཡུམ་ནི་བསམས་པས་འགྲུབ།། ཡང་ན་བསྟེན་པ་ཙམ་གྱིས་འགྲུབ།། སྦྱོར་བའི་ཡན་ལག་བསྟན་པ་ནི།། གོང་དུ་རྒྱས་པར་བསྟན་པའོ།། སྒྲོལ་བའི་ཡན་ལག་འདི་ལྟ
327a2 སྟེ།། སེམས་ཀྱི་རྣམ་རྟོག་ཅི་བྱུང་བ།། ཆོས་ཀྱི་དབྱིངས་སུ་སྒྲོལ་བ་དང་།། དབང་པོ་ལྔ་ཡི་ཆོ་འཕྲུལ་ནི།། དག་པའི་ལམ་ལྔར་སྒྲོལ་བ་དང་།། མཚན་མར་སྣང་བའི་འབྱུང་བ་རྣམས།། དག་པའི་ཞིང་དུ་བསྒྲལ་བ
327a3 དང་།། ཉོན་མོངས་རྣམ་པ་ལྔ་ཉིད་ཀྱང་།། ཡེ་ཤེས་རྣམ་ལྔར་བསྒྲལ་བའོ།། འཁོར་བའི་སྡུག་བསྔལ་ཇི་སྙེད་པ།། དག་པའི་ཞིང་དུ་བསྒྲལ་བའོ།། དེས་ནི་སྒྲོལ་བའི་ཡན་ལག་བསྟན།། བྱང་སེམས་དཀར་དང་དམར་བ
327a4 ཡང་།། བསྐུར་བ་ཉིད་དུ་བསྟན་པ་དང་།། བསྟེན་པའི་དུས་སུ་བསྟན་པའོ།། བསྐུར་བ་ཉིད་དུ་བསྟན་པ་ནི།། གསང་བའི་གནས་དང་ལྕེ་སྟེངས་སུ།། དེ་ཡང་བརྟུལ་ཞུགས་ལྡན་པ་དག། པདྨ་དག་ལ་མཆུ་བཙུགས
327a5 ཏེ།། རབ་ཏུ་གཞིབས་པས་དབང་ཐོབ་འགྱུར།། བསྟེན་པ་ཉིད་དུ་བསྟན་པ་ནི།། བདུད་རྩི་རྣམ་ལྔ་སྣོད་དག་ཏུ།། བྱང་ཆུབ་སེམས་དང་མཉམ་སྦྱར་ཏེ།། མགུལ་ལམ་མཚན་ཁུང་དག་ཏུ་གདགས།། སྒྲུབ་པ་པོས་ནི་རྟག
327a6 ཏུ་བཅང་།། བཅངས་ན་དངོས་གྲུབ་ཉེ་བར་འགྱུར།། བརྟུལ་ཞུགས་ནུས་པ་བསྟན་པ་ནི།། བུ་མཆོག་དད་དང་ལྡན་པ་ཞིག། ཡབ་ཡུམ་སྦྱོར་བའི་བར་དག་ནས།། ལྕེ་ཡིས་རབ་ཏུ་བླང་བར་བྱ།། ཡང་ན་མེ་ལོང་མ་གས
iiif viewer powered by OpenSeadragon
