| e-texts navigator |
| Wylie |
325a1 སྟེ།། ཕྱི་ཡི་སྣང་བ་ཐམས་ཅད་ཀུན།། བདག་གི་དབང་དུ་འདུས་པ་དང་།། སྣང་བ་ཐམས་ཅད་རང་སྣང་དང་།། གྲག་པ་ཐམས་ཅད་རང་གི་གསུང་།། བསམ་པ་ཐམས་ཅད་ཡེ་ཤེས་ཐུགས།། རྟོགས་ཤིང
325a2 ཤེས་ན་དབང་ཐོབ་བོ།། སྨིན་པའི་དུས་ནི་འདི་ལྟ་སྟེ།། ཕྱི་འབྱུང་ནང་དུ་སྨིན་པ་དང་།། ཕུང་ལྔ་རིགས་ལྔར་སྨིན་པ་དང་།། ཡུལ་བརྒྱད་སེམས་དཔར་སྨིན་པ་དང་།། དཀྱིལ་འཁོར་ལྷ་རུ་སྨིན་པ་དང་།། དུག་ལྔ་ཡེ་ཤེས
325a3 ལྔར་སྨིན་པའོ།། ངོ་བོ་བསྟན་པ་འདི་ལྟ་སྟེ།། སེམས་ཅན་མ་རིག་འཁོར་བ་ལས།། མ་སྨིན་པ་རྣམས་སྨིན་པར་བྱེད།། དེ་ཕྱིར་སྨིན་པར་བྱེད་པར་གྲགས།། དབང་གི་ངེས་ཚིག་འདི་ལྟ་སྟེ།། མ་ཐོབ་པ་རྣམས་ཐོབ་པར
325a4 བྱེད།། དབང་གི་དབྱེ་བ་འདི་ལྟ་སྟེ།། གོང་དུ་བསྟན་པ་ཁོ་ནར་ཟད།། དེ་ནི་ཕྱི་ཡི་དབང་དུ་བསྟན།། ནང་གི་དབང་བསྐུར་འདི་ལྟ་སྟེ།། རང་རིག་རྣམ་རྟོག་ཅི་བྱུང་བ།། ཐམས་ཅད་ལྷ་ཡི་ངོ་བོར་བསྐུར།། དེ་ཡང་བསྟན
325a5 པ་འདི་ལྟ་སྟེ།། ཤེས་དང་མཐོང་དང་གོ་བར་བསྟན།། དེ་ཡང་ངོ་བོ་ངེས་ཚིག་དབྱེ་བའོ།། དེ་ཡང་ཤེས་པ་འདི་ལྟ་སྟེ།། རྣམ་རྟོག་མཚན་མ་ཐམས་ཅད་ཀུན།། རང་ལས་བྱུང་བར་ཤེས་པ་དང་།། དཀྱིལ་འཁོར་ལྷ
325a6 ཚོགས་ཐམས་ཅད་ཀུན།། རང་གི་སྣང་བར་ཤེས་པའོ།། མཐོང་བའི་དུས་ནི་འདི་ལྟ་སྟེ།། རྡུལ་ཚོན་དཀྱིལ་འཁོར་དེ་དག་ཀུན།། རང་གི་སྣང་བར་མཐོང་བ་དང་།། ཤ་ཁྲག་བདུད་རྩི་ལ་སོགས་པའི།། རྫས་ཀྱི་རྣམ་པ
iiif viewer powered by OpenSeadragon
