| e-texts navigator |
| Wylie |
324b1 པའོ།། ཞེས་སེང་གེ་རྩལ་རྫོགས་ཆེན་པོའི་རྒྱུད་ལས། སེང་གེ་སྟོབས་ལྡན་གྱི་ལྟ་བ་བསྟན་པའི་ལེའུ་སྟེ་ལྔ་པའོ།། །། དེ་ནས་ཡང་ཀུན་རིག་ཆོས་ཀྱི་རྗེ་ལ་སོགས་པའི་རིགས་ཀྱི་སངས་རྒྱས་རྣམས་ཀྱིས།
324b2 བཅོམ་ལྡན་འདས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ།། ཨེ་མ་ཧོ།། རྡོ་རྗེ་ཡེ་ཤེས་སྐུ།། དབང་དང་དམ་ཚིག་དོན་བསྟན་པ།། ལེགས་པར་འཁོར་ལ་བསྟན་དུ་གསོལ།། ཞུས་ཏེ་རང་རང་སྟན་ལ
324b3 འདུག། དེ་ནས་ཀུན་ཏུ་བཟང་པོ་ཡིས།། ཉེ་བའི་འཁོར་ལ་བཀའ་སྩལ་པ།། ཀྱེ་མ་རང་སྣང་དཀྱིལ་འཁོར་ཉོན།། ཡེ་ཤེས་སེམས་དཔའི་དཀྱིལ་འཁོར་ནི།། དབང་དང་དམ་ཚིག་གཉིས་སུ་འདུས།། དེ་ཡང་བསྟན་པ
324b4 འདི་ལྟ་སྟེ།། དབང་ལ་རྣམ་པ་བཞི་ཡོད་དེ།། ཕྱི་དང་ནང་དང་གསང་བ་དང་།། དེ་བཞིན་ཡོངས་སུ་རྫོགས་པའོ།། ཕྱི་ཡི་དབང་ཉིད་འདི་ལྟ་སྟེ།། སྣང་ཚད་གྲག་ཚད་ཐོས་ཚད་རྣམས།། ཕྱི་དབང་རིན་ཆེན་རྫས
324b5 སུ་བསྟན།། དེ་ཡང་བཤད་པ་འདི་ལྟ་སྟེ།། བསྐུར་བའི་དུས་དང་འཇུག་པའི་དུས།། ཐོབ་པའི་དུས་དང་སྨིན་པའི་དུས།། རྣམ་པ་བཞི་ནི་ང་ཡིས་བཤད།། དེ་ཡང་ངོ་བོ་ངེས་ཚིག་དང་།། དབྱེ་བའི་དུས་ནི་རབ་ཏུ
324b6 བཤད།། བསྐུར་བའི་དུས་ནི་འདི་ལྟ་སྟེ།། རང་ལ་གནས་པས་རྩལ་དབང་བསྐུར།། འཇུག་པའི་དུས་ནི་འདི་ལྟ་སྟེ།། སྨན་ལྔ་བདུད་རྩི་ལྔ་ལ་འཇུག། དེ་ཡང་དྲག་ཤུལ་སྟོབས་ཀྱིས་བཟའ།། ཐོབ་པའི་དུས་ནི་འདི་ལྟ
iiif viewer powered by OpenSeadragon
