| e-texts navigator |
| Wylie |
324a1 ཡེ་ཤེས་འབྱུང་བའི་ས།། དཀྱིལ་འཁོར་གཅིག་ལ་དོན་བརྗོད་པ།། གསང་སྔགས་གཅིག་ལ་འཁྱེར་སོ་དགུ།། དེ་ཡང་རྣམ་པ་ཙམ་དུ་སྣང་།། རིམ་པ་དགུ་ཡི་ངོ་བོ་ཡིས།། རང་སྣང་ཡེ་ཤེས་དོན་མ
324a2 རྟོགས།། སྣང་བའི་རང་བཞིན་སྣང་བ་ལ།། དོམ་དམ་དང་ནི་ཀུན་རྫོབ་གཉིས།། ཐ་དད་མ་ཡིན་གཅིག་གི་ངང་།། ཡེ་ཤེས་རྟོགས་པའི་ངོ་གང་ལ།། མཚན་མའི་རྣམ་རྟོག་ཅི་བྱུང་ཡང་།། ཐམས་ཅད་ཡེ་ཤེས་རོལ་པར
324a3 ཤར།། རིག་པ་གཅིག་ལ་དོན་བརྗོད་པས།། སྐུ་གསུམ་རྒྱལ་བའི་ངོ་བོར་སྣང་།། སྐུ་ལས་ཡེ་ཤེས་ཆོ་འཕྲུལ་བྱུང་།། སྣང་དང་མི་སྣང་ཆོས་མ་ཡིན།། རྟོགས་དང་མ་རྟོགས་མཐའ་ལས་གྲོལ།། སྣང་བ་ཡེ་ཤེས་ངོ་བོར
324a4 གནས།། འབྱུང་བ་རྡོ་རྗེའི་རྐྱེན་གྱི་བདག། སྣང་བའི་རྡོ་རྗེ་ཀུན་ལ་རོལ།། མཐའ་ཡས་ལམ་ལ་རྣམ་པར་རོལ།། སྟོང་གསུམ་འཇིག་རྟེན་རབ་འབྱམས་ན།། སྐུ་ཡི་དཀྱིལ་འཁོར་ཇི་སྙེད་པ།། ཐམས་ཅད་མ་ལུས་སྣང
324a5 བར་གསལ།། སྟོང་གསུམ་འཇིག་རྟེན་རབ་འབྱམས་ན།། གསུང་གི་དཀྱིལ་འཁོར་ཇི་སྙེད་པ།། ཐམས་ཅད་མ་ལུས་གྲགས་པས་སྟོང་།། སྟོང་གསུམ་འཇིག་རྟེན་རབ་འབྱམས་ན།། ཐུགས་ཀྱི་དཀྱིལ་འཁོར་ཇི་སྙེད
324a6 པ།། ཐམས་ཅད་མ་ལུས་རྟོག་པ་སངས།། སྐུ་དང་གསུང་དང་རྡོ་རྗེའི་ཐུགས།། སྣང་བ་མེད་ལས་ཐམས་ཅད་སྣང་།། སངས་རྒྱས་སྐུ་དང་ཡེ་ཤེས་འོད།། སྣང་བ་རང་སྣང་ཉིད་དུ་ཡོད།། ཀུན་ཏུ་བཟང་པོས་ཀུན་ཏུ་རིག
iiif viewer powered by OpenSeadragon
