| e-texts navigator |
| Wylie |
323a1 བྱེད་རྫུན་གྱིས་ང་མི་སྒྲིབས།། རྫུན་ཉིད་ལ་ནི་རྫུན་སྤྱོད་དེ།། རྫུན་ཞེས་བཏགས་ཙམ་ཡོད་མ་ཡིན།། ཐམས་ཅད་ཀུན་བཟང་ང་ཡི་རྫུན།། སངས་རྒྱས་ཡེ་ཤེས་རིག་པའི་ཀློང་།། བདག་མེད་ཀུན་ཏུ་འཕྲོ
323a2 བའོ།། ཨེ་མ་ཡེ་ཤེས་རྣམ་དག་སྐུ།། སེམས་ཅན་ཀུན་གྱི་རང་རྒྱུད་ལ།། ཡང་དག་ལམ་གྱི་ཡེ་ཤེས་གནས།། ངོ་བོ་འཁྲུལ་རྟོག་ཡུལ་ལས་འདས།། རང་བཞིན་གཉིས་སྣང་ཡུལ་ལས་འདས།། ཐུགས་རྗེ་ཀུན་ཁྱབ་རྣམ
323a3 པར་སྣང་།། ཡེ་ཤེས་རང་སྣང་ལམ་དུ་འཆར།། རིག་པ་སྣང་དང་མི་སྣང་མེད།། དེ་ཡང་གཏན་ཚིགས་འདི་ལྟ་སྟེ།། སྣང་བ་ཡིན་མིན་གཉིས་ལས་འདས།། སྟོང་པ་འཛིན་ཆགས་ཡུལ་ལས་འདས།། བསྒོམ་པ་གཏང
323a4 བཞག་གཉིས་ལས་འདས།། ལྟ་བ་ཕྱོགས་དང་རེས་ལས་འདས།། འབྲས་བུ་རྟོག་མཐའ་གཉིས་དང་བྲལ།། ཡེ་ཤེས་དོན་ལ་ཅིས་ཀྱང་བསྐྱོད་དུ་མེད།། ཡེ་ཤེས་སྣང་བ་གར་ཡང་ཐོགས་པ་མེད།། ཡེ་ཤེས་སྐུ་ལ་མཐའ
323a5 བཞིའི་དྲི་མ་མེད།། ཡེ་ཤེས་ལམ་ལ་ཡེ་ནས་ཚིག་དང་བྲལ།། ཡེ་ཤེས་རིག་པ་ཡང་དག་དགོངས་པའི་མཆོག། ཡེ་ཤེས་ངོ་བོ་འགྱུར་བའི་ཕྱོགས་དང་བྲལ།། ཡེ་ཤེས་རང་བཞིན་གཉིས་སྣང་མཐའ་དང་བྲལ།། ཡེ
323a6 ཤེས་ཐུགས་རྗེ་སྣང་བའི་རྩལ་དུ་སྣང་།། ཡེ་ཤེས་ཡོན་ཏན་སྣ་ཚོགས་དུ་མར་སྣང་།། ཡེ་ཤེས་ཤེས་རབ་རིག་པའི་དོན་ལ་སྤྱོད།། ཡེ་ཤེས་དཀྱིལ་འཁོར་མ་བྲིས་ཡོངས་ལ་གསལ།། ཡེ་ཤེས་ཉིད་ལ་ཅི་ཡང་ཡོད་མ
iiif viewer powered by OpenSeadragon
