| e-texts navigator |
| Wylie |
322b1 བཤད།། དེ་བཞིན་ཉིད་དུ་རབ་ཏུ་གནས།། དབྱིངས་དང་ཡེ་ཤེས་རིག་པ་གསུམ།། འདུ་འབྲལ་མེད་པའི་ཚུལ་དུ་གནས།། སངས་རྒྱས་རྣམས་ཀྱི་ཡུལ་དང་སྤྱན།། ཀུན་ལ་རྟོགས་ཤིང་ཡེངས་པ་མེད།། ཡེངས་པ་མེད
322b2 པའི་རང་སྣང་ངོ་།། དབྱིངས་དང་རིག་པའི་དོན་ཉིད་ནི།། ལྟ་སྒོམ་སྤྱོད་པ་ཀུན་གྱི་དངོས།། ཡེ་ཤེས་རང་སྣང་གཟུང་འཛིན་བྲལ།། དབྱིངས་དང་རིག་པ་གཉིས་ཀྱི་དོན།། འདི་ཡི་ངང་དུ་ཐམས་ཅད་འདུས།། ཆོས
322b3 རྣམས་མ་ལུས་ཐམས་ཅད་ཀུན།། བདག་དང་གཞན་གྱི་བློ་མེད་པས།། ཀུན་ལ་ཐོགས་མེད་སྤྱད་གྱུར་ཀྱང་།། སྤྱད་དང་སྤྱོད་པ་གཉིས་མེད་པས།། ཐམས་ཅད་ཡེ་ནས་སྟོང་གསལ་དང་།། སེམས་ཅན་ཀུན་གྱི་སྣང་བ
322b4 ལ།། མ་བྱིན་བླངས་པས་མ་རིག་སངས།། སྣང་སྲིད་མ་ལུས་ཐམས་ཅད་ལ།། ཐོགས་པ་མེད་པར་སྤྱད་གྱུར་ཀྱང་།། འཆིང་བར་མི་འགྱུར་བསོད་ནམས་རྫོགས།། ཆགས་མེད་ཡེ་ཤེས་ཆེན་པོ་ཡིན།། སྣང་བ་ཐམས
322b5 ཅད་ཡེ་ཤེས་སྐུ།། དེ་ཉིད་རང་རིག་ཡིན་པར་བཤད།། གཉིས་མེད་ཡུལ་གྱི་སྣང་བའོ།། ཆོས་སྐུ་དངོས་པོ་ཀུན་བྲལ་ཞིང་།། ཡེ་ནས་རང་བཞིན་འོད་གསལ་བས།། ངོ་བོ་ཉིད་ཀྱི་ཆོས་སྐུ་ཡང་།། རང་བཞིན་ཉིད་ཀྱི་སྣང
322b6 བར་བཤད།། མིང་བཏགས་ཚིག་ལ་དངོས་པོ་ཡོད་མ་ཡིན།། མ་རིག་འཁྲུལ་པའི་ལོག་རྟོག་གིས།། ང་དང་བདག་ཏུ་མེད་སྣང་ལ།། བདག་དང་གཞན་གྱི་བློ་ཡིས་བཟུང་།། སྣ་ཚོགས་འཁྲུལ་པ་རྫུན་ཡིན་པས།། རྗོད
iiif viewer powered by OpenSeadragon
