| e-texts navigator |
| Wylie |
322a1 ཧོ།། རིག་པའི་ཡེ་ཤེས་སྒྲོན་མ་ནི།། སེམས་ཅན་ཀུན་ལ་རང་ཆས་ཏེ།། རྣམ་པ་གཉིས་ཀྱི་ཚུལ་དུ་འཆར།། ཐིག་ལེ་སྟོང་པའི་སྒྲོན་མ་དང་།། རིག་པ་དབྱིངས་ཀྱི་སྒྲོན་མའོ།། འདུ་འབྲལ་མེད་པའི་ཚུལ་དུ
322a2 འཆར།། སེམས་ཅན་ཀུན་གྱི་སྣང་བ་བཤད།། དེ་ཡང་བཤད་པ་འདི་ལྟ་སྟེ།། གནས་དང་དུས་དང་རྟོགས་པའོ།། གནས་ནི་བྷྲྀ་གུ་ཏ་ན་གནས།། དུས་ནི་བར་མ་དེ་ལ་འཆར།། རྟོགས་པ་ནམ་མཁའི་ངང་དུ་རྟོགས།། དེ
322a3 ཡང་མཐོང་བའི་དུས་སུ་བསྟན།། དེ་ཡང་དབྱིངས་དང་རིག་པར་བཤད།། དེ་ཡང་བཤད་ལུགས་འདི་ལྟ་སྟེ།། གཞི་ལ་གནས་པའི་དབྱིངས་རིག་དང་།། ལམ་ལ་སྣང་བའི་དབྱིངས་རིག་དང་།། མཐའ་ལ་སྐྱོལ་བའི
322a4 དབྱིངས་རིག་གོ། གཞི་ཡི་དབྱིངས་རིག་རྣམ་གཉིས་ནི།། རྟོགས་བྱེད་ཐབས་ཀྱི་གཞི་དང་ནི།། བྱ་བ་རྫོགས་པའི་གཞི་རུ་བཤད།། རྟོགས་བྱེད་ཐབས་ཀྱི་གཞི་ཡི་དུས།། བག་ཆགས་ཕུང་པོ་འདི་ལ་བཤད།། བྱ་བ
322a5 རྫོགས་པའི་གཞི་གནས་ནི།། ཆོས་ཉིད་ཀ་དག་སྣང་བར་བཤད།། རྟོགས་བྱེད་ཐབས་ཀྱི་གཞི་བཤད་པ།། དབྱིངས་ནི་དབྱིངས་ཀྱི་སྒྲོན་མ་ལ།། རིག་པ་ལུ་གུ་རྒྱུད་དུ་གསལ།། ལམ་ལ་སྣང་བའི་དབྱིངས་རིག
322a6 ནི།། དབྱིངས་ནི་འོད་ཀྱི་མུ་ཁྱུད་ལ།། རིག་པ་སྐུ་ལྔའི་སྣང་བར་བཤད།། མཐའ་ལ་སྐྱོལ་བའི་དབྱིངས་རིག་ནི།། དབྱིངས་ནི་རང་བཞིན་སྣང་བ་ལ།། རིག་པ་སྐུ་དང་ངོ་བོར་བསྟན།། དེ་ཕྱིར་དབྱིངས་དང་རིག་པར
iiif viewer powered by OpenSeadragon
