| e-texts navigator |
| Wylie |
316b1 སྣང་ཡུལ་གྱི་ནམ་མཁའ་ལ།། སྒྲོན་མ་འགག་མེད་གསེར་གྱི་བྱ་ཁྱུང་ལྡིང་།། རྟོག་མེད་རང་སངས་ཆོས་སྐུའི་ངང་དུ་བཟུང་།། ཀུན་གཞི་ཀློང་ཡངས་བག་ཆགས་རྒྱ་མཚོ་ན།། རིག་པ་མི་འགྱུར་གསེར་གྱི་ཉ་མོ
316b2 འགྱུ།། བསྒྲུབས་པས་མ་ཡིན་རང་གི་གྲོགས་དང་ཕྲོལ།། ཀུན་ཏུ་བཟང་མོ་ཡེངས་མེད་ནམ་མཁའ་ལ།། རང་སྣང་མ་བཅོས་གསེར་གྱི་བྱ་ཁྱུང་ལྡིང་།། བཏང་བཞག་བྲལ་བའི་དགོངས་པའི་ངང་དུ་བཟུང་།། ཆོས་ཉིད
316b3 མི་འགྱུར་སྤྲོས་བྲལ་རྒྱ་མཚོ་ལ།། ཀ་དག་སེམས་བྲལ་གསེར་གྱི་ཉ་མོ་འགྱུ།། བློ་དངོས་གཉིས་མེད་རང་བྱུང་ཡེ་རྒྱས་ཐོབ།། ཆོས་ཉིད་མིང་དང་བྲལ་བའི་ནམ་མཁའ་ལ།། མཚན་མའི་ཡུལ་མེད་རང་སྣང་གསེར་གྱི་བྱ
316b4 ཁྱུང་ལྡིང་།། བཅོས་མ་མ་ཡིན་རང་གི་བདེ་བ་བཟུང་།། རང་བྱུང་སྤྲོས་བྲལ་ཆོས་ཉིད་རྒྱ་མཚོ་ན།། མཚན་མའི་དངོས་མེད་གསེར་གྱི་ཉ་མོ་འགྱུ།། རང་སྣང་ཆོས་སྐུར་གཅིག་པའི་རྒྱ་ཡིས་ཐོན།། སྣ་ཚོགས་ཞེན་པ་མེད
316b5 པའི་ནམ་མཁའ་ལ།། ཆོས་སྐུ་སྤྲོས་བྲལ་གསེར་གྱི་བྱ་ཁྱུང་ལྡིང་།། རྩོལ་སེམས་མ་ཡེངས་སྒྲོན་མའི་ངང་དུ་འུབ།། ཆོས་ཉིད་མཐའ་ཡས་རྣམ་དག་རྒྱ་མཚོ་ན།། རང་བྱུང་རྟོག་བྲལ་གསེར་གྱི་ཉ་མོ་འགྱུ།། སྟོང་གསལ
316b6 འཁོར་འདས་བྲལ་བའི་རྒྱ་ཡིས་ཐོབ།། བསམ་པ་འཛིན་ཆགས་བྲལ་བའི་ནམ་མཁའ་ལ།། དགོངས་པ་རང་གནས་གསེར་གྱི་བྱ་ཁྱུང་ལྡིང་།། ཆོས་ཉིད་ཡངས་པའི་ཀུན་ཁྱབ་ངང་དུ་འུབ།། འབྱུང་རྐྱེན་སྣ་ཚོགས་བྲལ
iiif viewer powered by OpenSeadragon
