| e-texts navigator |
| Wylie |
316a1 ཡིན་མིན་བློ་ཡི་བྱ་བ་ཟོང་།། སྣང་དང་མི་སྣང་ཆོས་ཉིད་ཀྱང་།། བྱ་བྱེད་མཐར་ལྷུང་ཆོས་དང་བྲལ།། སྟོང་པ་ཉིད་ཀྱི་ཡེ་ཤེས་ལས།། མ་འགགས་གསལ་བའི་འོད་ལྔ་བྱུང་།། ཆོས་སྐུ་རང་གནས་དགོངས
316a2 པ་ལ།། སྟོང་དང་མི་སྟོང་མཐའ་ལས་འདས།། བརྟགས་པ་བཏགས་པ་ཉིད་ཀྱང་བྱུང་། གཉིས་ཀྱི་ཆོས་རྣམས་ཀུན།། ཀུན་བཟང་སེང་གེའི་ངང་ལས་བྱུང་།། སངས་རྒྱས་ཀུན་ཏུ་བཟང་པོ་ངས།། གོལ་སྒྲིབ་གཉིས་མེད་ལྟ་བ
316a3 བསྟན།། སྣང་དང་མི་སྣང་མེད་པའི་ཆོས།། བྱས་ཤིང་བརྟགས་པ་མ་ཡིན་ཏེ།། རང་བཞིན་ལྷུན་གྱིས་གྲུབ་པར་རྟོགས།། ཆོས་སྐུ་རིག་པའི་སྣང་བ་ནི།། སྒྲིབ་ཕྱོགས་གཉིས་དང་བྲལ་བའི་ཆོས།། སྣང་བ་རང
316a4 སར་དེངས་པ་ལ།། སྒྲིབ་ཕྱོགས་གཉིས་ཀྱི་དྲི་མ་མེད།། སྐུ་ཡི་སྣང་བ་རང་སྣང་དང་།། གསུང་གི་ཆོ་འཕྲུལ་ཅིར་ཡང་སྟོན།། ཐུགས་ཀྱི་དགོངས་པ་རྩེ་གཅིག་གོ། རང་སྣང་གསེར་གྱི་ནམ་མཁའ་ལ།། གསེར་གྱི་འདབ
316a5 ཆགས་བྱ་ཁྱུང་ལྡིང་།། རྟོག་མེད་ཡིད་ཀྱི་ཁྱུང་ཆེན་གཟུང་།། རང་བཞིན་མ་བཅོས་མཚོ་མོ་ལ།། རྣམ་དག་རང་གནས་གསེར་གྱི་ཉ་མོ་འགྱུ།། ཐབས་ཉིད་སྟོང་པའི་རྒྱུ་ཡིས་ཐོབ།། འཛིན་ཆགས་བྲལ་བའི་ནམ་མཁའ
316a6 ལ།། ཆགས་མེད་རྩལ་རྫོགས་གསེར་གྱི་བྱ་ཁྱུང་ལྡིང་།། བཟུང་བ་མ་ཡིན་སྒྲོན་མར་ཆུབ།། རྟོག་མེད་རང་དངས་རྒྱ་མཚོ་ལ།། རང་བྱུང་ལྷུན་རྫོགས་གསེར་གྱི་ཉ་མོ་འགྱུ།། བྱས་པ་མ་ཡིན་ཡེ་རྒྱས་ཐོབ།། ཆོས་སྐུ་རང
iiif viewer powered by OpenSeadragon
