| e-texts navigator |
| Wylie |
315b1 ན།། སྒྲོན་མ་རྣམ་གཉིས་རྫུན་པར་འགྱུར།། དེས་ནི་གསང་སྔགས་དགོངས་པ་བསྟན།། ཡུལ་སེམས་གཉིས་ཀྱི་གནས་མེད་པས།། ཡེ་ཤེས་རང་ལ་སྣང་བའོ།། ཞེས་སེང་གེ་རྩལ་རྫོགས་ཆེན་པོའི་རྒྱུད་ལས། སེང་གེ
315b2 གཉིས་སྦྱོར་གྱི་དགོངས་པ་བསྟན་པའི་ལེའུ་སྟེ་བཞི་པའོ།། །། དེ་ནས་ཡང་རང་རིག་ཀུན་ཏུ་བཟང་པོས། རང་སྣང་ཀུན་ཏུ་བཟང་མོ་དང་གཉིས་སུ་མེད་པར་སྙོམས་པར་ཞུགས་སོ།། དེ་ནས་ཏིང་ངེ་འཛིན་ལ
315b3 བཞེངས་ནས་ཏིང་ངེ་འཛིན་ལ་བཞུགས་བཞིན་དུ་ཡང་བྱུང་ཀུན་ཏུ་བཟང་པོ་རྩོལ་བྲལ་གྱི་དགོངས་པ་འདི་བརྗོད་དོ།། ཨེ་མ་ཧོ་ཆོས་ཉིད་ཀུན་ཏུ་བཟང་།། སེམས་ཅན་རྟོག་པ་བསལ་བའི་ཕྱིར།། རང་སྣང་ཡུལ་གྱི་གཏན
315b4 ཚིགས་ང་ཡིས་བསྟན།། རིགས་ལྔའི་སངས་རྒྱས་ལེགས་པར་ཉོན།། ང་ཡི་ཆོས་ལ་ཡུལ་མེད་པས།། སྣ་ཚོགས་འཛིན་པའི་མ་རིག་མེད།། ང་ཡི་ཡེ་ཤེས་དང་སྣང་བས།། ང་ཡི་བློ་ལ་བདག་རྟོག་མེད།། ང་ནི་ཡུལ་ལ་མི
315b5 གནས་པས།། མཚན་མ་སྣ་ཚོགས་བྱ་བ་མེད།། ང་ལ་ཕྱི་དང་ནང་མེད་པས།། གསལ་དང་འགྲིབ་པ་ག་ལ་ཡོད།། ང་ནི་རང་བྱུང་རྟོག་མེད་པས།། ཡིན་དང་མིན་པའི་ཐ་སྙད་བྲལ།། ཨེ་མ་ཧོ་སེམས་ཅན་སངས
315b6 རྒྱས་ཐམས་ཅད་ལ།། ངོ་བོ་གཅིག་ལས་མེད་པར་ངེས།། དམིགས་པ་ཅན་དང་དམིགས་མེད་པས།། རང་བཞིན་གཅིག་ཏུ་མ་ངེས་སོ།། དགོངས་པ་རང་བྱུང་ཡེ་ཤེས་ནི།། རྟོགས་དང་མ་རྟོགས་མཐའ་ལས་འདས།།
iiif viewer powered by OpenSeadragon
